“İçərişəhər” Dövlət Tarix-Memarlıq Qoruğu İdarəsi tərəfindən Azərbaycanın müasir tarixində ən şanlı günlərdən biri olan 8 Noyabr - Zəfər Gününə həsr edilmiş “Əbədi Zəfər” adlı tədbir təşkil olunub.

Kulis.az xəbər verir ki, tədbirdə İçərişəhər və Qala qoruqlarının qazi əməkdaşları, İçərişəhər ərazisində yaşayan şəhid ailələri, idarənin rəhbərliyi və əməkdaşları, İçərişəhər Ağsaqqallar Şurasının üzvləri və digər rəsmi qonaqlar iştirak ediblər.

Əvvəlcə Vətən uğrunda canını qurban vermiş şəhidlərimizin əziz xatirəsi bir dəqiqəlik sükutla yad edilib və Dövlət Himni səsləndirilib. Daha sonra Zəfərə aparan yola həsr edilmiş videoçarx nümayiş olunub.

• İnsanları aldadanlar niyə azadlıqdadır?
• Qızıl Portağal üçün müraciətlər başladı
• "Oğru kimi özgəsinin torpağına soxulmayaydın!.." - Qadın talelərindən cəsarətli film çəkən görkəmli aktyor

“İçərişəhər” Dövlət Tarix-Memarlıq Qoruğu İdarəsinin Aparat rəhbəri İntiqam Babayev, İçərişəhər Ağsaqqallar Şurasının sədri Əliheydər Dadaşov və “İgidlərin sözü” layihəsinin müəllifi Nigar Həsənzadə çıxış edərək 44 günlük Vətən müharibəsində Qələbənin Ali Baş Komandanın qətiyyəti, xalqımızın birliyi, Ordumuzun gücü, şəhidlərimizin və qazilərimizin əzmkarlığı sayəsində əldə edildiyini vurğulayıblar.

“İgidlərin sözü” adlı bədii hissədə 44 günlük Vətən müharibəsi iştirakçıları Cavid Qasımov, Tofiq Əhmədov, Nicat Ağayev, Elşən Bənnayev, Fərid Atazadə və 2022-ci il Beynəlxalq Muğam Müsabiqəsinin qalibi Həzrət Əzizli, qazi anası və şairə Nuranə Nur çıxış ediblər.

“Əbədi Zəfər” tədbiri işğaldan azad edilmiş ərazilərdə dövlətimiz tərəfindən aparılan quruculuq işlərinin nümayiş olunduğu videoçarxın nümayişi ilə yekunlaşıb.

• İnsanları aldadanlar niyə azadlıqdadır?
• Qızıl Portağal üçün müraciətlər başladı
• "Oğru kimi özgəsinin torpağına soxulmayaydın!.." - Qadın talelərindən cəsarətli film çəkən görkəmli aktyor