"Çox qorxulu kino"dan milyardlıq rekord: 26 il sonra gələn tarixi uğur

"Çox qorxulu kino"dan milyardlıq rekord: 26 il sonra gələn tarixi uğur
30 iyun 2026
# 10:17

Dünya kinosunda komediya və parodiya janrının ən populyar nümunələrindən sayılan "Çox qorxulu kino" ("Scary Movie") franşizası inanılmaz kassa uğuruna imza atıb.

Kulis.az xəbər verir ki, silsilənin qlobal miqyasda əldə etdiyi ümumi gəlir 1 milyard dollarlıq həddi aşıb.

Maraqlıdır ki, bu tarixi nəticəyə ilk filmin premyerasından düz 26 il sonra çatmaq mümkün olub.

Bu nəhəng uğurda əsas pay sahibi isə iyunun 12-də ekranlara çıxan 6-cı hissədir. Cəmi 30 milyon dollar büdcə ilə ərsəyə gələn bu yeni layihə nümayişə başladığı 3 həftə ərzində dünya üzrə prodüserlərinə 208,5 milyon dollar qazandıraraq gözləntiləri üstələyib.

Pərəstişkarlarına böyük nostalji yaşadan yeni ekran işində layihənin əfsanəvi ulduzları – Anna Feris və Recina Holl illər sonra yenidən eyni çəkiliş meydançasını paylaşıblar. Eyni zamanda, franşizanın əsl yaradıcıları olan məşhur Ueyans qardaşlarının da uzun fasilədən sonra yenidən iş başına keçməsi filmin uğurunu şərtləndirən əsas amillərdən olub.

Qeyd edək ki, altıncı film sadəcə kassa gəliri ilə deyil, qırdığı spesifik rekordla da diqqət mərkəzindədir. Ekran əsəri 2017-ci ildən bəri 100 milyon dollar səddini keçməyi bacaran ilk "+18" (R reytinqli) komediya filmi kimi adını kino tarixinə yazdırıb.

Bütün bunlarla yanaşı, "Çox qorxulu kino" davam edən bu yay kino mövsümündə səs-küylü "Şeytan Prada geyinir" filmindən sonra qlobal gəliri 1 milyard dolları keçən ikinci nəhəng franşiza olaraq mövqeyini bir daha möhkəmləndirib.

# 1369 dəfə oxunub

Oxşar xəbərlər

Qəzza müharibəsi haqqında sənədli film 47 ölkədə nümayiş etdirildi

Qəzza müharibəsi haqqında sənədli film 47 ölkədə nümayiş etdirildi

14:26 18 noyabr 2026
Aktyorlar süni intellektə qarşı birləşdi – Rəqəmsal surətlərin istifadəsinə məhdudiyyət

Aktyorlar süni intellektə qarşı birləşdi – Rəqəmsal surətlərin istifadəsinə məhdudiyyət

12:47 18 noyabr 2026
FTX qalmaqalı haqqında serial - 8 milyard dollarlıq çöküş "Netflix"də

FTX qalmaqalı haqqında serial - 8 milyard dollarlıq çöküş "Netflix"də

12:14 17 noyabr 2026
Yeni Ceyms Bond bəlli oldu - 007 roluna gözlənilməz aktyor

Yeni Ceyms Bond bəlli oldu - 007 roluna gözlənilməz aktyor

10:14 17 noyabr 2026
Avropa Film Mükafatlarının namizədləri açıqlandı

Avropa Film Mükafatlarının namizədləri açıqlandı

15:28 16 noyabr 2026
Bir atanın faciəsi, bir cəmiyyətin günahı - Bütün dövrlərin ən yaxşı filmı haqqında

Bir atanın faciəsi, bir cəmiyyətin günahı - Bütün dövrlərin ən yaxşı filmı haqqında

16:23 13 noyabr 2026
#
#
Ana səhifə Reels Yazarlar Xəbərlər