İran “Xosrov və Şirin”ə senzura tətbiq edir

Ədəbi tənqid

Ana səhifə
Ədəbi tənqid

İran “Xosrov və Şirin”ə senzura tətbiq edir

17 avqust 2011

11:35

İranın Mədəniyyət Nazirliyi nəşriyyatlardan Nizaminin 800 illik əsəri “Xosrov və Şirin”indən bəzi hissələrin çıxarılmasını istəyib.

Kulis.az-ın İranın Mehr agentliyinə istinadən verdiyi məlumata görə illərdir “Xosrov və Şirin” poemasını yayımlayan “Peydayeş” Nəşriyyatının rəhbəri Feriba Nebati əsərin açıq-saçıq hissələrini çıxararaq təsdiq üçün Mədəniyyət nazirliyinə göndərib. Ancaq nazirlikdən gələn cavab hamını təəccübləndirib.

Belə ki, Mədəniyyət nazirliyi 1177-ci ildə Nizami Gəncəvinin qələmə aldığı “Xosrov və Şirin” əsərindən hətta “Tək qala biləcəyimiz bir yerə gedək”, “əl-ələ tutuşmaq” ifadələrinin də çıxarılmasını istəyib.

Nizami Gəncəvinin “Xəmsə” toplusunda yer alan “Xosrov və Şirin” əsəri indiyək dünyanın bir çox dillərinə tərcümə olunub. Poema Məhəmməd Cahan Pəhləvanın xahişi ilə yazılıb. Əsərin mövzusu İran Sasani hökmdarları sülaləsinin tarixindən götürülsə də, şairin bir çox problemlərin təqdimində öz doğma mühitinin hadisə, şəxsiyyət və problemlərini də əks etdirir. Poemadakı monumental obrazlardan biri olan Fərhad sonrakı dövrlərdə bir çox Nizami ardıcıllarını ilhamlandırıb və “Fərhad və Şirin” əsərinin yaranmasına səbəb olub. .

Günel Əsgərzadə