news-inner
clock17:15 calendar-gray 30 Aprel 2021 view-gray985 dəfə oxunub
view-gray985 dəfə oxunub

Fərqi nə, adı Bənövşədi, Nərgiz, ya Lalə? – Ulucaydan yeni şeirlər

Kulis.az gənc şair Ulucay Akifin yeni şeirlərini təqdim edir.

adını bilmədiyim şeir

mən müharibə görməmişəm
vuruşmamışam Stalinqrad uğrunda
nə Berlin divarının qarşısında
qurban getməmişəm bir mərmiyə

ya da bir at belində
qılınc-qalxanım əlimdə
atılmamışam döyüş meydanına
amma bilirəm -
barmaqlar həmişə düşmən olub çəkilən tətiyə

boğuşmamışam aslanlarla Afrika cəngəlliklərində
hücum etməyib mənə yekədişli bir timsah
Nil çayının sahilində

heç köpək balığı da görməmişəm
amma üzmüşəm onlarla bir sularda
Ağ dənizdə, Qara dənizdə

qərar verə bilməmişəm heç vaxt
əsmərlər daha gözəldi, sarışınlar, ya kürənlər?
çox axtarmışam sevgini ağ bənizdə, qara bənizdə

güllərin adlarını da bilməmişəm
amma çox sevmişəm qoxularını
fərqi nə - adı Bənövşədi, Nərgiz, ya Lalə?

sərxoş olub ayaqyalın gəzmişəm dəniz sahilində
çox içmişəm eşq şərabından
gecələr dolub boşalıb piyaləm

heç küləkləri də tanımamışam
bilməmişəm adlarını
hansı xəzridi, hansı gilavar?

amma sevmişəm onları da
ona görə
pis günlərə yox
gözəl günlərə “bir külək idi, əsib keçdi” demişəm

bir külək kimi əsib keçib
adını unutduğum
gül qoxulu gözəl qızlar ömrümdən

heç vaxt görməmişəm,
eşitməmişəm Allahı
amma həmişə sevmişəm
ümidlə gözləmişəm O gələcək sabahı

dua etmişəm İstanbulda məsciddə
Tiflisdə bir kilsədə,
Piterdə sinaqoqda

həəə, indi yadıma düşdü
mən eşitmişəm
mən görmüşəm Allahı!

Revolver

səni sevsəydim orta əsrdə
mütləq bir at belində
cəng meydanında
sıyırıb qılıncımı qınından
şığıyardım düşmən üstünə
sənin uğrunda

ya da belimdə "Revolver"
bir duel meydanında
başı dik atılmış on addımdan sonra
cəld tərpənsəm də düşməndən
çıxarıb silahımı
atəş açardım havaya
son addımdan sonra

darıxmaq adlı diktator

əllərim yarsa bu gecəni
yarsa bu dənizləri Musanın əsası kimi
bu gecənin ortasında
səni düşünmək - sevginin əsası kimi

bu gecənin ortasında
sənə yazmaq -
səhralara düşmüş Məcnuna
bir qurtum su kimi

bu gecənin ortasında
yazdığım hər söz, hər hərf
darıxmaq adlı diktatorun ordusu kimi
işğal edir ruhumu

bu gecənin ortasında
əllərim havada
təslim oluram eşq adlı quldura
bu qorxu deyil ölüm qorxusu kimi

tarix kitabı

bir tarix kitabı səhifələdim
üç min il yol getdim bir anda
milyonlarla əsgər öldü
qılınc yarasından, ox yarasından

milyonlarla əsgər öldü
adını bilmədiyim
yaşını bilmədiyim

üç min il yol getdim bir anda
türklər Konstantinopolu fəth etdilər
adını İstanbul qoydular

milyonlarla adam öldü
qalanın o yanında, bu yanında
adını bilmədiyim
yaşını bilmədiyim

üç min il yol getdim bir anda
İsgəndər Hindistana
Teymurləng Qafqaza
Napoleon ruslara hücum elədi

milyonlarla adam öldü
at belində, fil üstündə
adını bilmədiyim
yaşını bilmədiyim

bir tarix kitabı səhifələdim
üç min il yol getdim bir anda
beş-on ad qaldı yadımda
hamısı kral, imperator, padişah və sultan

amma milyonlarla adam öldü kitabda
adını bilmədiyim
yaşını bilmədiyim.

bəstə

sevirəm
sevirəm səni
sevirəm Allah bizi sevən kimi
sevirəm ağladanda, qorxudanda, incidəndə
sevirəm hara getdiyini bilmədiyim yollarda yeriyəndə
sevirəm gecələr ayı, səhərlər günəşi gözləyəndə

günəş milyon il Şərqdən çıxıb
milyon il Qərbdən çıxsa da sevərəm

sevgi uduzsa da sonda
sevgidən məhrum nəsnələrə
mən yenə aldanaram
saçlarının küləyə qoşulub
oxuduğu bəstələrə.

news-inner-user
Ulucay Akif

59 məqalə

Oxşar xəbərlər

Xəbər lenti

Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021
Musa Yaqub vəfat etdi
15:35 07 May 2021
Erməni ilə yeyib-içən Mirişin faciəvi aqibəti – Yeni hekayə
15:21 07 May 2021
“Digitalart-lab” layihəsi mayın sonunadək davam edəcək
14:37 07 May 2021
Xalq artisti Arif Quliyev dəfn olundu - Fotolar
13:49 07 May 2021
“Min bir gecə” baleti beynəlxalq festivalda nümayiş olunacaq
13:09 07 May 2021
Çarşablı bir qadın onu küçəyə atıb getdi, nişanlısı başqasını sevdi, soyadı olmadığı üçün pionerə keçirmədilər - On doqquz “ana”sı tapılan Arif Quliyevin dəhşətli həyatı
12:14 07 May 2021
Küçədə alça yeyən Arif Quliyev və təbəssümünü itirən uşaqlığımız
11:37 07 May 2021
Gənclik və qocalıq haqda ən gözəl şeir - Mətn
10:54 07 May 2021
Faiq Ağayev Arif Quliyevdən yazdı - Foto
10:17 07 May 2021
Müharibə futbol kimidir - Cəbrayıl Dövlətzadə haqqında roman
09:00 07 May 2021
Arif Quliyev vəfat etdi
01:53 07 May 2021
“Karlson” tamaşası onlayn göstəriləcək
19:00 06 May 2021
“Səhnədə” adlı müsabiqə elan olunub
18:35 06 May 2021
Yoldaşı ilə 55 il nikahsız yaşadı, qızının dəfninə getmədi – İslam Rzayev Zeynəblə oxumaqdan niyə imtina etmişdi? - Video
18:10 06 May 2021