İtaliyanın məşhur moda evi "Prada" 1913-cü ildə əsası qoyulan Milandakı tarixi "Galleria Vittorio Emanuele" ticarət pasajında brendin yüz ildən artıq yolunu əhatə edən sərgisini təqdim edib.
Kulis.az xəbər verir ki, səkkiz otaqdan ibarət olan sərgi moda evinin məşhur geyimləri ilə yanaşı, incəsənət, memarlıq, idman və texnologiya sahələrindəki yenilikçi layihələrini bir araya gətirir.
Sərgidə brendin yaranışından bu günə qədər olan təkamülü maraqlı eksponatlarla nümayiş etdirilir:
Mario və Martino Prada qardaşlarının hazırladığı məşhur tərs üçbucaq loqosu, Miuccia Pradanın 1970-ci illərdə dəbə gətirdiyi imza neylon çantalar, 1988-ci ilin ilk kolleksiyasından geyimlər və "Böyük Qetsbi" filmi üçün hazırlanmış xüsusi libas ziyarətçilərə göstərilir.
"Axiom Space" ilə əməkdaşlıq çərçivəsində hazırlanmış və NASA-nın 2028-ci ildə Ay səthinə enəcək "Artemis IV" missiyası üçün nəzərdə tutulan skafandrın prototipi sərginin ən diqqətçəkən hissələrindən biridir.
"Prada"nın marketinq direktoru Lorenzo Bertelli bildirib ki, yalnız öncədən rezervasiya ilə saatda 20 nəfərin ziyarət edə bildiyi bu məkan brendin illik gəlirlərinə təxminən 100 milyon avro əlavə töhfə verəcək.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər