“Apple” televiziya platformasında eşitmə məhdudiyyətli tamaşaçılar üçün yeni imkan yaradıb. Şirkət filmlərə birbaşa ekran üzərində işarət dili tərcüməçisi əlavə etməyə imkan verən funksiyanı istifadəyə verməyə hazırlaşır.
Kulis.az xəbər verir ki, yeni funksiya noyabrın 13-dən etibarən “Apple TV” tətbiqində əlçatan olacaq.
İlk olaraq hüquq müdafiəçisi Cudi Heymanın həyatından bəhs edən “Being Heumann” filminə bu imkan əlavə ediləcək. “F1” filmi də Amerika və Britaniya işarət dillərində tərcümə seçimini dəstəkləyəcək.
Yeniliyin əsas üstünlüyü ondadır ki, tamaşaçı ayrıca işarət dili versiyasını axtarmağa məcbur olmayacaq. Tərcüməçini filmin özündə, ekranın küncündə aktivləşdirmək mümkün olacaq. Beləliklə, eşitmə məhdudiyyətli şəxslər də digər tamaşaçılarla eyni ekran əsərini eyni vaxtda izləyə biləcəklər.
Şirkət bildirir ki, funksiya eşitmə məhdudiyyətli insanların və işarət dilinin ana dili olduğu mütəxəssislərin iştirakı ilə hazırlanıb. Tərcümələr mexaniki şəkildə deyil, hər filmin emosional və məzmun xüsusiyyətlərinə uyğunlaşdırılaraq yaradılır.
Gələcəkdə “Greyhound” və “Way of the Warrior Kid” filmlərinə də bu imkanın əlavə edilməsi planlaşdırılır. Bu addım rəqəmsal platformaların əlçatanlıq məsələsinə yanaşmasında mühüm yeniliklərdən biri hesab olunur.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər