Tarixçi və prodüser Alis Braunerin rəhbərliyi ilə çəkilən "Blok 10" filmi İkinci Dünya müharibəsi zamanı Osvensim əsir düşərgəsində SS həkimi Karl Klauberqin yəhudi qadınlar üzərində apardığı qəddar sonsuzlaşdırma təcrübələrini işıqlandırır.
Kulis.az xəbər verir ki, sənədlərə, şahid ifadələrinə və arxiv materiallarına əsaslanan filmdə həmçinin qızının həyatı ilə təhdid edildiyi üçün bu prosesə qatılmağa məcbur qalan yəhudi həkim Maksimilian Samuelin dramatik vicdan ikiliyi əks olunur.
Berlin studiyalarında qurulan orijinal dekorasiyalar və Osvensim Anma Mərkəzinin təqdim etdiyi 3D materiallarla çəkilən ekran əsəri zorakılığı sözsüz, lakin qurbanların ləyaqətini qoruyan bir üslubla təqdim edir.
Rejissor Markus O. Rosenmüllerin çəkdiyi film, 7 oktyabrdan sonrakı dövrdə artan antisemitizm dalğası fonunda Holokost xatirəsini və qadınlara qarşı zorakılığı yenidən diqqət mərkəzinə gətirir.
Bu gündən etibarən Almaniya kinoteatrlarında göstərilməyə başlanan film gənc nəsillərin bu qaranlıq tarixə dair maarifləndirilməsini və gələcəkdə belə faciələrin təkrarlanmamasını hədəfləyir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər