Amerikalı aktrisa Merilin Monronun ölümü ilə bağlı yeni bir iddia irəli sürülüb.

Kulis.az “The Sun” nəşrinə istinadən xəbər verir ki, onun öldürülməsinə səbəb kimi ABŞ prezidenti Con Kennedinin yadplanetlilərlə bağlı sənədlərinin aktrisanın əlinə keçməsi göstərilir. Bu barədə britaniyalı yazıçı Nik Redfernin “Sirlər gündəliyi: Yadplanetlilər haqda şayiələr və Merilin Monronun ölümü” adlı kitabında yazılıb.

Müəllif kitabında yazır ki, Merilin Monronu qəzaya uğramış uçan boşqab və ABŞ-ın hərbi bazalarında qorunan qəribə cəsədlər haqqında məlumatları öyrəndiyi üçün öldürülüb. Baxmayaraq ki, aktrisanın rəsmi ölüm səbəbi kimi yüksək dozada narkotik istifadəsi göstərilir, yazıçı bunun FTB-nin (Federal Təhlükəsizlik Bürosu) həqiqəti ört-basdır etmək üçün yaydığı məlumat olduğunu deyir.

Xatırladaq ki, Merilin Monro 1962-ci ilin 5 avqust tarixində, 36 yaşında vəfat edib. Onun ölüm səbəbi kimi narkotikdən yüksək dozada istifadə göstərilsə də, bunun hələ də bədbəxt bir hadisə, cinayət, ya da intihar olduğu bilinmir. Məlum olan isə odur ki, 1955-ci ildən FTB məşhur aktrisanın kommunistlərin cəbhəsinə keçəcəyindən ehtiyatlanaraq onu təqib etməyə başlamışdı.

• Aqil Abbas: "Deputat qazandığının hamısını evə apara bilmir" - Müsahibə
• Yetim böyüyən, dostlarını qapıdan qovan Əməkdar artist kimdir?
• Nizami Cəfərov: "Bu sözlərdən imtina edə bilmərik" - Açıqlama