Dünya musiqisinin canlı əfsanələrindən Stivi Uonder Londonda verdiyi konsertlə bir daha səhnə enerjisinin yaşla ölçülmədiyini göstərib.
Kulis.az xəbər verir ki, 76 yaşlı müğənni "O2 Arena"da təxminən 20 min tamaşaçı qarşısında üç saatlıq proqramla çıxış edib.
Konsert onun məşhur “Songs in the Key of Life” albomunun 50 illiyinə həsr olunub.
Uonder səhnəyə çıxmazdan əvvəl tamaşaçılara gözlərini yumaraq musiqini hiss etməyi təklif edib. Ardınca 25 nəfərlik musiqiçi heyətinin müşayiəti ilə albomun sevilən kompozisiyalarını ifa edib. “Love’s in Need of Love Today” ilə başlayan proqramda “Contusion” və “Sir Duke” kimi əsərlər xüsusi maraq doğurub. Konsertin bəzi hissələri uzun instrumental improvizasiyalara çevrilib.
“Rolling Stone”un Britaniya nəşri yazır ki, sənətçinin səsi və musiqi ifaçılığı onilliklərin yorğunluğunu hiss etdirməyib. Uonder çıxışının bir hissəsində dünya liderlərini hamı üçün daha yaxşı həyat qurmağa çağırıb. Bu proqram təkcə yubiley konserti deyil, həm də musiqiçinin yarım əsr əvvəl yaratdığı albomun bu gün də aktual və təsirli olduğunu nümayiş etdirən hadisədir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər