Dünya rok musiqisinin ən mühüm albomlarından biri yarım əsrlik yubileyinə xüsusi nəşrlə hazırlaşır.
Kulis.az xəbər verir ki, “Pink Floyd” 1977-ci ildə işıq üzü görən “Animals” albomunun 50 illiyi münasibətilə genişləndirilmiş yeni versiyasını təqdim edəcək.
Yeni nəşrin 2027-ci il yanvarın 22-də satışa çıxarılması planlaşdırılır. Albom müxtəlif formatlarda, o cümlədən ikili vinil, CD, Blu-ray və xüsusi kolleksiya qutusu şəklində yayımlanacaq.
Layihənin ən maraqlı tərəfi indiyədək yayımlanmamış musiqi materiallarının və nadir arxiv fotolarının təqdim edilməsidir. Həmçinin 1977-ci ildə yazılmış “Sheep” kompozisiyasının əvvəllər ictimaiyyətə təqdim edilməmiş orijinal radio versiyası da dinləyicilərə çatdırılacaq.
“Animals” albomu Corc Oruellin “Heyvanıstan” əsərindən ilhamlanan konseptual quruluşu, hakimiyyət, sosial bərabərsizlik və cəmiyyətin təbəqələşməsi haqqında sərt musiqi mesajları ilə seçilir. Albom “Pink Floyd”un ən mühüm yaradıcılıq mərhələlərindən biri hesab olunur.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər