"Oskar" mükafatının namizədləri müəyyənləşir

Kino

Ana səhifə
Kino

"Oskar" mükafatının namizədləri müəyyənləşir

14 avqust 2026

16:15

"Ən yaxşı beynəlxalq bədii film" nominasiyası üzrə 2027-ci il "Oskar" mükafatına namizədlərin müəyyənləşdirilməsi prosesinə start verilib.

Kulis.az xəbər verir ki, 14 mart 2027-ci il tarixində Los-Ancelesdəki "Dolby" teatrında keçiriləcək 99-cu "Oskar" mükafatlandırma mərasimində bu kateqoriya üzrə yarışacaq filmlərin təqdimat müddəti 30 sentyabr 2026-cı il tarixinədək davam edəcək.

Qaydalara əsasən, bu nominasiyaya ABŞ-dən kənarda istehsal olunmuş, müddəti 40 dəqiqədən çox olan və dialoqlarının yarıdan çoxu ingilis dilində olmayan ekran işləri qəbul edilir.

Filmlər 1 oktyabr 2025 – 30 sentyabr 2026-cı il tarixləri arasında öz ölkələrində kommersiya nümayişinə girməlidir.

Əvvəlki illərdən fərqli olaraq, artıq nüfuzlu beynəlxalq festivallarda (Kann, Venesiya, Berlin, Sandens, Toronto, Busan) mükafat qazanan qeyri-ingilisdilli filmlər də birbaşa seçimlərə qatılmaq hüququ əldə edir.

Qeyd edək ki, müsabiqə cədvəlinə əsasən, 15 filmdən ibarət qısa siyahı 15 dekabr 2026-cı ildə, yekun 5 namizəd isə 21 yanvar 2027-ci ildə elan olunacaq.