“Bu, Əkrəm Əylislinin əxlaqıdır. O heç nədə daimi ola bilmir. Elə dostluqda da...”
Bu sözləri Kulis.az-a verdiyi açıqlamada Xal Şairi Fikrət Qoca deyib.
O, əlavə edib ki, Əkrəm Əylisli küləyin istiqamətinə uyğun olaraq dəyişən adamdır.
Xatırladaq ki, yazıçı Əkrəm Əylisli xalq şairi Fikrət Qocanın son müsahibəsində onunla dostluğu və qalmaqallı “Daş yuxular” əsəri ilə bağlı səsləndirdiyi fikirlərə münasibət bildirib.
Yazıçı “Qafqazinfo”ya açıqlamasında bildirib ki, F.Qocanın söylədiklərinə cavab vermək nə mənim şəxsiyyətimə, nə də xarakterimə uyğundur:
“Bəzi adamların əlinə köhnə qisaslarını almaq üçün fürsət düşüb. Nə Allaha, nə də peyğəmbərə baxırlar. Onun kimi 25 il bir vəzifədə sırtılmış, özünü lider hesab edən bir adama mən nə deyə bilərəm? Onun üçün nə bizim dostluğumuz, nə bir yerdə keçirdiyimiz zamanlar önəmlidir. O çalışır elə bir söz desin ki, kreslosunda daha çox otursun. Fikrət Qoca üçün bu dünyada müqəddəs bir şey qalıbmı ki? Ona münasibət bildirmək mənə əksiklik gətirər. “Daş yuxular” əsərimi isə artıq il yarımdır ki, müzakirə edib qurtara bilmirlər. Görün bu əsər bunlara nə boyda yer edib. Əgər bədii cəhətdən belə zəif əsər idisə niyə bu qədər danışırsız?”
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər