Çilov adasında

Arvadlar deyinərdi,

“Ay baş beynimiz getdi

• "Kim deyib ki, insan dünyaya xoşbəxt olmaq üçün gəlir?" - Fellini bizə nə öyrətdi?
• Divanın altı - Samirə Əşrəfin hekayəsi
• Xalq artisti Ramiz Quliyev vəfat etdi

televizoru söndür

onsuz da eşitmirik”

Kişilərsə deyərdi:

“Kimsə türmədən qaçıb

bu da onu axtarır

yuxarıdan gəlibdi”

Düz uçub gedənlərlə

heç işləri olmazdı

elə ki dövrə vurdu

ağızlar açılardı

Rəna deyərdi: “Pır pırrr

get o biri həyətə

orda karlar yaşayır

ər də kar, arvad da kar”

Rafiq deyərdi: “Rəna,

get çiyninə bir şey sal

memarlardı bəlkə də

şəklimizi çəkirlər”

Nənə altdan yuxarı

Dərdin söylərdi ona

“Çadrovıda evim vardı

Səməd əmi satdırdı”

Müəllimlər deyərdi,

vertolyot səs-küyünə

göyə baxan uşaqlar

gələcəkdə kasıb olacaqlar

Uşaqlar yağlı-yağlı

Söyüşə qərq edirdi

ən utancaq olanı

dalını göstərərdi

çox yaxından uçur bu

pəncərələr sınacaq

“Yenə getdi qayıtdı

ala e, kül başına”

Ölülər deyinərdi,

nə əbədi sükutmuş

Daşlarımız çatlayır

dişlərimiz çatlayır

Vertolyot uğultusu

bizə qulaq asardı

o gözdən itən kimi

cırcırama başlardı.

• "Kim deyib ki, insan dünyaya xoşbəxt olmaq üçün gəlir?" - Fellini bizə nə öyrətdi?
• Divanın altı - Samirə Əşrəfin hekayəsi
• Xalq artisti Ramiz Quliyev vəfat etdi