Sumqayıt Dövlət Dram Teatrında görkəmli yazıçı Mirzəağa Atəşin “Şərəfin sandığı” pyesi əsasında hazırlanmış “Gəlinlərin savaşı” tamaşasının premyerası keçirilib.
Kulis.az xəbər verir ki, nümayişdə Sumqayıt ictimaiyyətinin nümayəndələri, mətbuat işçiləri və teatrsevərlər iştirak ediblər.
Yeni tamaşanın quruluşçu rejissoru Xalq artisti Firudin Məhərrəmov, rejissorları Ümüd Abbaszadə və Ləman Məmmədli, quruluşçu rəssamı Osman Salmanov, musiqi tərtibatçısı sənətşünaslıq üzrə fəlsəfə doktoru Telman Qəniyev, rejissor assistenti isə Fazilə Rzayevadır.
Səhnə əsəri ailə münasibətlərinə yumor prizmasından yanaşaraq üç ərköyün gəlinlə sülhsevər qayınana arasındakı qarşıdurmanı əks etdirir. Gəlinlərin eqosu və qayınanaya qarşı sərt davranışları ailədə gərginlik yaradır. Lakin müdrik və təmkinli qayınana vəziyyəti nəzarətə alaraq ailədaxili harmoniyanı bərpa edir.
Tamaşa aktual mövzunu komediya janrında təqdim etməklə tamaşaçılara həm düşündürücü, həm də əyləncəli səhnə həlli vəd edir.
Rollarda Əməkdar artist Fəranə Musayeva, aktyorlar İlahə Səfərova, Məryəm Hüseynli, Aynur Hümmətova, Şəmistan Süleymanlı, Kamran Muradlı və Emil Həmidov çıxış ediblər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər