"Burdan min atlı keçdi..." tamaşasının premyerası oldu

"Burdan min atlı keçdi..."  tamaşasının premyerası oldu
9 may 2025
# 17:54

Sumqayıt Dövlət Dram Teatrında yazıçı-dramaturq Hidayət Orucovun "Burdan min atlı keçdi" əsərinin motivləri əsasında "İrəvanda nəyim qaldı..." tamaşasının premyerası keçirilib.

Kulis.az xəbər verir ki, tədbirdə Sumqayıt Şəhər İcra Hakimiyyətinin başçısı Zakir Fərəcov, millət vəkilləri, idarə, müəssisə, təşkilat rəhbərləri və teatrsevərlər iştirak edib.

Premyeradan öncə tamaşanın məsləhətçisi Qərbi Azərbaycan İcmasının Sumqayıt nümayəndəsi Ramiz İsmayılov çıxış edərək bildirdi ki, bu qəbildən olan tamaşaların hazırlanması zəruridir, tariximizin, mücadilə səhifəmizin gənclərə öyrədilməsi baxımından maarifçilik missiyası daşıyır.

O vurğuladı ki, görkəmli dövlət xadimi Heydər Əliyevin həmin dövrlərdə milli təəssübkeşliyi, imperiya daxilində Azərbaycan üçün göstərdiyi fədakarlıq gənc nəslə çatdırılmalıdır. Ulu öndərin anadan olmasının 102-ci il dönümünü Sumqayıt teatrının belə dolğun əsərlə qarşılaması alqışa layiqdir.

Daha sonra tamaşa nümayiş olundu.

Qeyd edək ki, "İrəvanda nəyim qaldı..." tamaşası yaxın tariximizin gerçək tarixi faktlarını, Azərbaycanın qədim yurd yeri İrəvanda zaman-zaman soydaşlarımıza qarşı aparılan gizli təxribatları, erməni ideoloqlarının ərazi iddialarını və Ulu öndər Heydər Əliyevin Qərbi Azərbaycanda yaşayan soydaşlarımızın siyasi müstəvidə müdafiəsinə qalxmasını özündə ehtiva edir.

Səhnə əsərinin quruluşçu rejissoru və musiqi tərtibatçısı Xalq artisti Firudin Məhərrəmov, quruluşçu rəssam Mustafa Mustafayevdir.

# 839 dəfə oxunub

Oxşar xəbərlər

Mərd qadının cadulu sevgiləri - Aydın Talıbzadə

Mərd qadının cadulu sevgiləri - Aydın Talıbzadə

10:00 15 iyun 2025
“Arqon”  mono-tamaşasının premyerası keçirildi

“Arqon” mono-tamaşasının premyerası keçirildi

14:15 12 iyun 2025
İrəvan teatrı  mövsümü bağlayır

İrəvan teatrı mövsümü bağlayır

11:30 12 iyun 2025
"Gülnisə kimi günahkar, əlləri ölümə bulaşmış ananın qızı olmaq..." - Samirə Əşrəf

"Gülnisə kimi günahkar, əlləri ölümə bulaşmış ananın qızı olmaq..." - Samirə Əşrəf

17:00 10 iyun 2025
Böyük Teatrda “1001 gecə”

Böyük Teatrda “1001 gecə”

09:01 10 iyun 2025
“Kontrabas”  festivala yola düşür

“Kontrabas” festivala yola düşür

17:05 30 may 2025
#
#
# # #