Zərdabda Azərbaycan milli mətbuatının banisi, böyük maarifçi, xeyriyyəçi alim Həsən bəy Zərdabinin xatirə gecəsi keçirilib.

AzərTAc xəbər verir ki, Prezident İlham Əliyevin “Həsən bəy Zərdabinin 170 illik yubileyinin keçirilməsi haqqında” 2012-ci il 4 iyun tarixli Sərəncamının icrası çərçivəsində təşkil edilən və “Xalq üçün döyünən ürək” mövzusunda altında keçirilən gecədə rayon rəhbərləri, ziyalılar, gənclər iştirak ediblər.

Zərdabi muzeyində keçirilən xatirə gecəsində muzeyin direktoru Vəfa Bayramova görkəmli şəxsiyyətin həyat və fəaliyyəti barədə məruzə etmiş, çıxışlar olub. Natiqlər xatirəsini daim əziz tutduqları həmyerlilərinin Vətən və xalq qarşısındakı misilsiz xidmətlərindən danışıblar.

Qeyd edilib ki, bu cəfakeş insan çar senzurasının qadağalarına baxmayaraq 1875-ci il iyulun 22-də Azərbaycan dilində ilk milli mətbuatımız olan “Əkinçi” qəzetinin nəşrinə müvəffəq olub. Cəmi 56 nömrəsinin işıq üzü görməsinə baxmayaraq, qəzet öz ətrafına qabaqcıl ziyalıları toplayaraq xalqın maarifləndirilməsində böyük xidmətlər göstərib. “Əkinçi” həm də gələcək “Füyuzat”, “İrşad”, “Kaspi” qəzetləri, “Molla Nəsrəddin” kimi nüfuz qazanan qəzet və jurnallar üçün aydın, işıqlı yol açıb.

• Cəhənnəmin temperaturunu ölçən, mələklərin sürətini hesablayan alimlər - Elmi necə populyarlaşdırmısınız?
• Sabah olmayacaq... - ADNA faciəsi qurbanlarının xatirəsinə
• Məşhur heykəltəraş vəfat edib