Məşhur Amerika aktyoru, Oskar mükafatçısı Robin Uilyams intihar edib.

Kulis.azın Reuters agentliyinə istinadən verdiyi xəbərə görə, onun meyiti bazar ertəsi Şimali Kaliforniyadakı evində tapılıb.

Uilyamsın 63 yaşı vardı.

Polislərin fikrincə, aktyor boğulma nəticəsində ölüb.

Amma aktyorun ölümünün dəqiq səbəbləri hələ mütəxəssislər tərəfindən müəyyənləşdiriləcək.

Uilyams narkotik və alkol asılılığından əziyyət çəkirdi. Hətta iyulda reabilitasiya mərkəzində müalicə alıb.

Aktyorun mətbuat katibinin dediyinə görə, o, son vaxtlar ağır depressiyadan əziyyət çəkirdi.

Uilymasın həyat yoldaşı Syüzan Şnayder deyib: "Bu gün səhər mən ərimi və ən yaxşı dostumu itirdim, dünya isə sevimli aktyorlarından və gözəl insanlardan birini. Mənim qəlbim parça-parçadır”...

Amerika prezidenti Barak Obama da başsağlığı verib: “O bizim həyatımıza yadplanetli kimi daxil olmuşdu. Və insan qəlbinin hər siminə toxuna bilmişdi”.

Uilyams “Muzeydə gecə”, “Sabahın xeyir Vytenam”, ”Ölü şairlər cəmiyyəti” və başqa filmlərdə oynayıb. 1997-ci ildə isə Qas Van Setin “Ağıllı Uill Hantinq” filmində ikinci planda oynadığı rola görə Oskar alıb.

Aktyor gələn il “Missis Dautfayr” filminə çəkilməliydi.

• "Dədə Qorqudun məzarı bu şəhərdədir" - Dəmir qapı Dərbənddən reportaj
• Xalqsız xalq şairləri - Günün şeiri
• "Sultan Süleyman" həbs edildi - Məhkəmə qərarı