“Titanik” 3D formatında

Sənət

Ana səhifə
Sənət

“Titanik” 3D formatında

22 sentyabr 2011

11:37

Oskarlı rejissoru Ceyms Kameronun 1997-ci ildə çəkdiyi “Titanik” filmi yeni formatda kinoteatrlara veriləcək.

Kulis.az BBC-yə istinadən xəbər verir ki, Kameron “Kral Şir” animasiya filminin 3D formatında 30 milyon dollar gəlir gətirməsindən həvəslənib.

Rejissor “The Wrap”-a müsahibəsində filmin çevrilməsinin çox çətin və beyinyorucu iş olduğundan şikayətlənib.

Filmin gələn il 6 aprel “Titanik” gəmisinin batmasının yüzüncü ildönümünə hazır olacaq.

Artıq yarıya qədər formatı dəyişdirilən filmin büdcəsi 18 milyon dollardır.

“Avatar” filmi ilə rekord gəlir əldə edən Kameron filmlərin 3D formatına keçirməyin 3D-li kamera ilə film çəkməkdən daha çətin olduğunu söyləyib: “Bəzən insanlara elə gəlir ki, ikisi də eyni şeydir. Ancaq tamamən bir-birinə ziddirlər”.

Ceyms Kameron digər filmlərini də 2D və 3D formatlarında hazırlamaq istədiyini də bildirib.

Günel ƏSGƏRZADƏ