Kulis.az tanınmış ABŞ yazıçısı, şair, dramaturq və ədəbi tənqidçi Edqar Allan Ponun həyat yoldaşı Virciniya Eliza Klemmə yazdığı "Annabel Li" şeirini Həmid Piriyevin tərcüməsində təqdim edir.
İllər, illər əvvəl idi, məkanı
Səfalı ölkəydi, dəniz sahili.
Orda yaşayırdı şən və qayğısız
Gözəl bir qız. Adı da Annabel Li.
Tək sevmək və sevilmək istəyirdi,
Yox idi başqa arzusu, diləyi.
O, uşaqdı, mən də uşaqdım hələ.
Ölkəmiz səfalı dəniz sahili.
Bir yerdə deyildik, hələ ayrıydıq,
Mənimlə Annabel Li.
Göydə uçan mələklər qısqanırdı
Bizi. Bizim hüdudsuz sevgimizi.
Xoşbəxt idik o dəniz sahilində,
O mələklər bizi gözə gətirdi.
Buludların küləyindən üşüyüb
Soyuqladı gözəlim Annabel Li.
Onu məndən aldılar,
Əl üstündə apardılar məzara.
Məkanıdır indi dəniz sahili.
Biz daha xoşbəxt idik mələklərdən,
Buna görə onlar qısqandı bizi.
Hə! Belədir (hamı şahiddir buna,
Təsdiqləyər ölkənin sakinləri).
Buludların küləyindən bir gecə
Soyuqladı və öldü Annabel Li.
Nə böyüklər, nə bizdən ağıllılar -
Heç kim bizim kimi sevə bilmədi.
Və ayıra bilməz ruhumuzu da
Nə səmada pərvazlanan mələklər,
Nə də yeraltı dünyanın cinləri.
Mənim ruhum əbədiyyən sənindir,
Əzizim Annabel Li.
Xəyalını canlandırır gözümdə
Gecəyarı Ayın parlaq şöləsi.
Göy üzündə ulduzlar parlayanda
Gülümsəyir elə bil Annabel Li.
Yanındayam, səninləyəm, səninəm,
Gözəl gözlüm, əziz, əziz sevgili.
Məzarının yanında uzanmışam,
Məkanımız olub dəniz sahili.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər