“Məhdimqulu Fəraqi və Azərbaycan ədəbiyyatı" adlı tədbir keçirildi

“Məhdimqulu Fəraqi və Azərbaycan ədəbiyyatı" adlı tədbir keçirildi
12 iyun 2023
# 16:00

Bakıda keçirilən “II Türk Dünyası Ədəbiyyat və Kitab” Festivalı çərçivəsində Türkmənistan günündə Beynəlxalq Türk Mədəniyyəti və İrsi Fondunun himayəsi altında “Məhdimqulu Fəraqi və Azərbaycan ədəbiyyatı" adlı tədbir keçirilib.

Kulis.az xəbər verir ki, tədbiri giriş sözü ilə açan Fondun nümayəndəsi, şair Fərid Hüseyn təşkilatın Türk dünyasının maddi – mənəvi dəyərlərinin beynəlxalq miqyasda təbliği istiqamətindəki fəaliyyətindən bəhs edib. Fondun Türk xalqlarının görkəmli şəxsiyyətlərinin zəngin irsinin qorunmasına və təşviqinə böyük önəm verdiyini bildirən F.Hüseyn, tədbir iştirakçılarına Nizami Gəncəvi, Əlişir Nəvai, Abay, Ömər Seyfəddin, Çingiz Aytmatov və Türk Dünyasının digər görkəmli söz ustalarının əsərlərinin təşkilat tərəfindən nəşr olunması, eləcə də “Manas” dastanı ilə bağlı tədqiqatların aparılması barədə məlumat verib. Növbəti il 300 illik yubileyi qeyd olunacaq Məhdimqulu Fəraqinin yaradıcılığının da Fond tərəfindən daim diqqət mərkəzində olduğunu vurğulayıb.

Daha sonra Azərbaycan Milli Elmlər Akademiyasının Nizami Gəncəvi adına Ədəbiyyat İnsitutunun aparıcı elmi işçisi, filologiya üzrə fəlsəfə doktoru, dosent İsmixan Osmanlı çıxış edərək, Beynəlxalq Türk Mədəniyyəti İrsi Fondunun Türk dünyasının qüdrətli qələm sahiblərinin ədəbi irsinin tanıdılması istiqamətindəki addımlarını yüksək qiymətləndirdiyini qeyd edib. O, eyni zamanda Türkmən ədəbiyyatının klassiki olan Məhdimqulu Fəraqi haqqında Fondun keçirdiyi tədbirin əhəmiyyətini vurğulayaraq, əsərlərinin Azərbaycan oxucularının böyük marağına səbəb olduğunu da bildirib.

Daha sonra Türkmənistan Elmlər Akademiyasının Məhdimqulu Fəraqi adına Dil, Ədəbiyyat və Milli Əlyazmalar İnsitutunun şöbə müdiri, tanınmış mətnşünas alim Rəhmanberdi Qodorov və İnsitutun əməkdaşı Məqsəd Meredov çıxış edərək, görkəmli şairin Azərbaycanda nəşr edilən əsərləri, eləcədə haqqında yazılan çoxsaylı elmi araşdırmaları yüksək qiymətləndiridiklərini bildiriblər.

Daha sonra tədbirdə Firudin bəy Köçərli adına Respublika Uşaq Kitabxanasının əməkdaşları Cavidan Səfərli və Lamiya Əliyevanın ifasında Məhdimqulu Fəraqinin şeirləri səsləndirilib.

Sonda tədbir iştirakçıları görkəmli şair haqqında yayımlanan kitabların sərgisi ilə tanış olublar.

# 1179 dəfə oxunub

Oxşar xəbərlər

Sabah olmayacaq... - ADNA faciəsi qurbanlarının xatirəsinə

Sabah olmayacaq... - ADNA faciəsi qurbanlarının xatirəsinə

18:24 30 aprel 2025
Sevgi şərhi - Fərhad Amurun hekayəsi

Sevgi şərhi - Fərhad Amurun hekayəsi

13:30 30 aprel 2025
Perseyin papağı - Həmid Herisçidən yubiley hekayəsi

Perseyin papağı - Həmid Herisçidən yubiley hekayəsi

12:00 30 aprel 2025
Körpə Tanrının yaratdıqları - Murad Köhnəqalanın yeni hekayəsi

Körpə Tanrının yaratdıqları - Murad Köhnəqalanın yeni hekayəsi

09:00 29 aprel 2025
Qılınclarla rəqs - Mixail Vellerin hekayəsi

Qılınclarla rəqs - Mixail Vellerin hekayəsi

15:00 27 aprel 2025
"Xoşbəxt" gün - Günel Mehrinin yeni hekayəsi

"Xoşbəxt" gün - Günel Mehrinin yeni hekayəsi

17:40 25 aprel 2025
#
#
# # #