Millət vəkili Fazil Mustafa filologiya üzrə fəlsəfə doktoru Firudin Qurbansoyun Kulis.aza verdiyi müsahibədə səsləndiyi fikirlərə görə onu sərt tənqid edənlərə cavab verib. O, yazıb:

“Firudun Qurbansoy "Nəsimi" filmini tənqid edib.

Firudin Qurbansoy Rasim Balayevin qəzəl ifasını tənqid edib.

Firudin Qurbansoy İsa Muğannanın "Məhşər" əsərini tənqid edib.

Yenə bütpərəst güruhu düşüblər meydana ki, bizim illərdir yaratdığımız bütlərə toxunmaq olmaz.

Cənab bütpərəstlər, olar, həm də bal kimi olar...

Haqlıdır, haqsızdır, qiymətləndirmək istəməzdim, sadəcə məmləkətdə tənqidi təfəkkür addım-addım ölür, çünki ayrı-ayrı bütpərəst qrupları hər bir detalı, hər bir epizodu, hər bir şəxsiyyəti müqəddəsləşdirərək toxunulmaz elan ediblər.

Firudin Qurbansoyu cəsarətli tənqidinə görə dəstəkləyirəm. Yazılarını oxuyuram, klassik ədəbiyyatı yetərincə maraqlı şərh edir, mətn oxuyub anlamayanların yaddaşında nədənsə falabaxan kimi qalmış.

Yeri gəlmişkən, İsa Hüseynovun "İdeal"a qədərki bütün yaradıcılığını yüksək qiymətləndirirəm, "Məhşər" romanını isə Azərbaycan ədəbiyyatında tarixi roman janrında yazılmış ən dəyərli əsər hesab edirəm. "Nəsimi" filiminin bütün süni ritorikasını bir kənara qoyarsaq, təkcə böyük aktyorumuz Yusif Vəliyevin yaratdığı əsrarəngiz bir Teymur obrazına görə dəyərini aşağı salmaq olmaz.”

• Kino Agentliyinin yeni baş direktoru kimdir?
• Keçmişlə indinin sərhədində: “Mənim üçün qızılgül”
• Həsənağa Turabovun qızı: "Onu heç vaxt bağışlamayacam" - Müsahibə