Fevralın 2-də Mirzə Fətəli Axundzadə adına Azərbaycan Milli Kitabxanasında “2 fevral - Gənclər günüdür” adlı kitab sərgisi açılıb.

Kulis.az Azərtaca istinadən xəbər verir ki, tədbirdə Milli Kitabxananın direktoru Kərim Tahirov çıxış edərək bu günün əhəmiyyətindən danışıb.

Vurğulayıb ki, 1997-ci ildə ümummilli lider Heydər Əliyevin imzaladığı “2 fevral - Azərbaycan Gəncləri Gününün elan edilməsi haqqında” Sərəncamı, Ulu Öndərin Azərbaycan gəncliyinə göstərdiyi diqqət və qayğısının bariz nümunəsidir. Bu gün hər bir sahədə gənclərə dövlət tərəfindən yüksək qayğı göstərilir, gənclərin cəmiyyətin ictimai-siyasi həyatında yaxından iştirakına şərait yaradılır.

K.Tahirov ölkə başçısı İlham Əliyevin Ulu Öndərin gənclər siyasətini uğurla davam etdirməsini qeyd edərək, gələcəyin qurucuları olan bu nəslin vətənpərvərlik, azərbaycançılıq, dövlətçilik ruhunda tərbiyə olunması üçün gördüyü işlərə diqqət çəkib.

Tədbirdə çıxış edən bir qrup gənc müstəqil Azərbaycanda onlara göstərilən qayğıdan söz açaraq hər bir sahədə dövlətin dəstəyini hiss etdiklərini qeyd diblər.

Sonda qonaqlar “2 fevral - Gənclər günüdür” adlı geniş kitab sərgisi ilə tanış olub.

• Nizami Cəfərov “Ulduz”lu görüşlər”də
• İsmayıl Şıxlı ilə keçən yay - Qorxmaz Şıxalıoğlu
• Freyd, “bakılı milləti” və “qazaxşina” - Bakıdakı gizli cəmiyyətin məqsədi nə idi?