Muzey Mərkəzində Azərbaycan prezidentinin sərəncamı ilə bir qrup sənətçiyə fəxri adların verilməsi ilə bağlı mərasim keçirilib.
APA-nın məlumatına görə, təqdimat mərasimində çıxış edən mədəniyyət və turizm naziri Əbülfəs Qarayev bildirib ki, Azərbaycan dövləti mədəniyyət və incəsənət xadimlərinin fəaliyyətini hər zaman diqqət mərkəzində saxlayıb, onların əməyini yüksək qiymətləndirib: "Bu gün mükafatlandırılan insanlar arasında rayonlarda çalışan fədakar əməkdaşlar, klub-muzey işçiləri də var. Öz işinə böyük sevgi və hörmətlə yanaşan, zəngin mədəniyyətimizə böyük xidmət göstərən əməkdaşlar hər zaman fəxri adlarla təltif olunublar. Artıq Azərbaycan mədəniyyəti dünyada tanınır və sevilir. Mədəniyyət və incəsənətin inkişafında əsas rolu insanlar oynayır və dövlət onlara hər zaman qayğı göstərir. Təəssüf ki, bəzən bunun dəyərini bilmirik. Əgər bizim əməyimizi dövlət qiymətləndirirsə biz də bunu qiymətləndirməliyik. Əfsus ki, mükafat alan bəzi insanlar dövlət əleyhinə tədbirlərdə iştirak ediblər. Bunun heç bir əsası yoxdur".
Sonda mükafatlar təqdim olunub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
