Yazıçı Sabina Nasifin “Səmada görüş” adlı yeni kitabı nəşr olunub.
Kulis.az xəbər verir ki, yazıçının sayca ikinci kitabı olan “Səmada görüş” fəlsəfi romandır.
Müntəzəm olaraq səyahət edən yazar, “Səmada görüş” əsərində əfsanəvi Şərq ölkələrinə və daxili dünyasına etdiyi səyahətləri bir araya gətirir və bu iki aləmin kəsişdiyi nöqtədə kəşf etdiyi həyatın təbii harmoniyasını oxucuları ilə bölüşür. Belə ki, romanda gənc ana olan Səda övladına daha yaxşı valideyn ola bilmək üçün uzun bir yolçuluğa yollanır. Yol boyunca illər ərzində üzərinə geyindiyi müxtəlif kimlikləri bir-bir soyunaraq, içindəki uşaqla üz-üzə gəlir. Səda içindəki bu uşağa qucaq açacaqmı? Ona sevgi verib, özünün və övladının qarşısında möhkəm dayana biləcəkmi? Kitab oxucunu yalnız bir ananın həyat hekayəsi ilə tanışlığa deyil, həm də insanın özünə doğru dərin bir fəlsəfi səyahətə dəvət edir.
“Bəs, sizcə, Allah bir ana ola bilərdimi? O, bir ana idisə, dünya artıq anadan olmuşdumu?” – kitab oxucunu sorğulayan, daxili aləminə enməsini tətikləyən bir romandır.
Qeyd edək ki, kitabın imza günü 25 may, saat 16:00-da Crescent Mall, Əli və Nino kitab mağazasında keçiriləcək.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər