Vəzifə səlahiyyətlərindən sui-istifadə etməkdə təqsirləndirilən Mədəniyyət Nazirliyinin Qara Qarayev adına Mərkəzi İncəsənət Məktəbinin direktoru Əziz Qarayusiflinin cinayət işi üzrə məhkəmə prosesi keçirilib.
Məhkəmə hökmü – Əziz Qarayüsifli vəzifə səlahiyyətlərindən sui-istifadəyə görə cərimələnib
Kulis.az APA -ya istinadən xəbər verir ki, Nərimanov Rayon Məhkəməsində hakim Aygün Məmmədovanın sərliyi ilə keçirilən prosesdə hökm oxunub.
Hökmə əsasən, təqsirləndirilən şəxsin cinayət əməlini onun törətməsi sübuta yetirilib və ona dövlət və yerli özünü idarəetmə orqanlarında rəhbər və maddi məsul vəzifələr tutmaq hüququndan məhrum edilməklə 4000 manat məbləğində cərimə cəzası təyin edilib.
Dövlət büdcəsinə dəymiş zərər tam şəkildə qaytarılıb
Qeyd edək ki, Əziz Qarayusifli öz mövqeyindən sui-istifadə etməklə 43 min manat pulu mənimsəməkdə ittiham olunub. O, istintaq dövründə dövlət büdcəsinə dəyən ziyanı tam ödəyib. Zərərçəkın qismində tanınan Mədəniyyət Nazirliyinin sabiq direktora qarşı heç bir iddiası olmayıb. Sabiq direktor ibtidai istintaq zamanı Cinayət Məcəlləsinin 179.2.3, 179.2.4, 308.1 və 313-cü maddələri ilə ittiham edilsə də, məhkəmə araşdırması zamanı ziyanı tam ödədiyi üçün 179.2.3 və 179.2.4-cü maddələrə xitam verilib.
Qara Qarayev adına Mərkəzi İncəsənət Məktəbində qanun pozuntuları aşkarlanıb, direktor işdən çıxarılıb
Xatırladaq ki, Ə.Qarayusifli Qara Qarayev adına Mərkəzi İncəsənət Məktəbinin direktoru vəzifəsində çalışıb. O, işində yol verdiyi ciddi qanun pozuntularına görə ötən il tutduğu vəzifədən azad edilib. Sabiq direktor 1990-cı ildən Azərbaycan Dövlət Akademik Opera və Balet Teatrı orkestrın solisti, 2018-ci ildən isə Bakı Musiqi Akademiyasının dosentidir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər