Ölənlə ölmək olmur, əzizim...

Ölənlə ölmək olmur, əzizim...
6 yanvar 2025
# 12:00

Kulis.az Ömər Xəyyamın “Ölənlə ölmək olmur, əzizim” köşəsini təqdim edir.


Dostu/tanışı ya vəlvələdən ya zəlzələdən yaranmış, olsun ki, kütlənin sifarişiylə populyarlaşmış, vaxtı keçmiş atmacalarla, dəfələrlə işlənmiş "шутка"larla yadda qalan, di gəl, peşəkarlıqdan yeddi köynək uzaq, şişirdilmiş, əslində, işinin cahili olan obrazın ölümünə, əlbəttə, üzülə bilər, üzülər, üstəlik, ağlayar da.

Şair demiş, ölən hamı vaxtsız ölür.

Mənim üçün ölən aktyor olsa da, müğənni olsa da, dostdan ötrü dostdur, qohumdan ötrü qohumdur, həyat yoldaşının əridir, övladının atası… bir sözüm yox, belə də olmalıdır.

Fəqət medianın belənçi obrazların, az qala, corablarının materialı haqqında reportaj hazırlamağını, axırıncı dəfə onun üzünü qırxan bərbərdən müsahibə almağını... heç cür müqayisə eləyə bilmirəm...

Düzdür, başa düşürəm, xəbər yoxdur, hadisə baş vermir, ol səbəb, ölənin sünnət toyunu çəkən operatorun təəssüratları "xəbərə" çevrilir.

Xəbər nədir... necə yazılır... - havayı dərs keçəsi deyiləm, yox, di gəl, iş elə gətirib ki, rəhmətlik Azərin ölümünü əsas götürübən, necə, nə cür xəbər yazmaq, araşdırma/material hazırlamaq olar - bir neçə ibtidai istiqamət verməyə məcburam.

Tutalım, mərhum böyrək çatışmazlığından əziyyət çəkirmiş, dializə gedib/gəlirmiş. Elə o ümidli günlərin birində də vəfat edibmiş…

Sən də ölüm xəbərini verdin, içində ölüm səbəbini yazdın, lap həyat və yaradıcılığı haqqında da bir/iki cümlə…
Sonra da başlayırsan araşdırmağa…


– Dializatorların vəziyyəti necədir, filterləri vaxtlı/vaxtında dəyişdirilirmi? Ümumiyyətlə, hansı filterlərdən istifadə edilir?


– Homodializlə yaşayan xəstələrə dövlət qayğısı necə tənzimlənir?

– Məsələn, sual verirsən ki, bizim dializ xəstələrimiz niyə tez ölür? Bəs dünyada necədir?

– Azərbaycanda yetərli sayda nefroloq varmı?

– Kateterizasiya (hemodializ prosedurunu həyata keçirmək üçün damara xüsusi kateterin taxılması prosesi) pulludur, yoxsa yox?


– Məsələn, niyə xəstələrin qanındakı mineralların faizi hər dəfə ölçülmür?

– Bölgələrdə vəziyyət necədir? Ucqarda yaşayan dializ xəstələri üçün hansı şərait yaradılıb?

Həmçinin bir neçə ekspert/həkim danışdırırsan.
Beləcə, qəşəng bir material hazırlayırsan, atan olur rəhmətlik.

Yoxsa başlamısız ki... “Filankəsin qaynı hönkürdü”, “Görün filankəsin bacısı qəbiristanlıqda necə görüntüləndi!!!”

Ürəyim üzülür e, ətağa…

# 20846 dəfə oxunub

Oxşar xəbərlər

Gənc Entoni Burdenn həyatından film: “Tony” bu həftə HBO Max-da yayımlanacaq

Gənc Entoni Burdenn həyatından film: “Tony” bu həftə HBO Max-da yayımlanacaq

11:28 16 noyabr 2026
Henri Kartye-Bresson Fondunun  mükafatı təqdim olundu

Henri Kartye-Bresson Fondunun mükafatı təqdim olundu

10:56 16 noyabr 2026
Azərbaycan filmi Haaqa Beynəlxalq Film Festivalının qalibi oldu

Azərbaycan filmi Haaqa Beynəlxalq Film Festivalının qalibi oldu

10:31 16 noyabr 2026
Şanxay biennalesi:  Musiqi, moda və pop mədəniyyət bir yerdə

Şanxay biennalesi: Musiqi, moda və pop mədəniyyət bir yerdə

10:22 16 noyabr 2026
APA-nın yaranmasından 22 il ötür

APA-nın yaranmasından 22 il ötür

10:04 16 noyabr 2026
Rəşad Məcidə ağır itki üz verdi

Rəşad Məcidə ağır itki üz verdi

10:33 15 noyabr 2026
Ana səhifə Reels Yazarlar Xəbərlər