Musiqi plartformasından yeni qərar – Süni intellektlə bağlı

Media

Ana səhifə
Media

Musiqi plartformasından yeni qərar – Süni intellektlə bağlı

12 avqust 2026

18:40

Məşhur musiqi platforması "Spotify" sentyabr ayından etibarən bəzi sənətçi profillərinə "Süni İntellekt Personası" nişanı əlavə edəcəyini elan edib.

Kulis.az xəbər verir ki, bu addım sayəsində dinləyicilər sənətçinin musiqisinin süni intellekt vasitəsilə ərsəyə gətirildiyini daha rahat fərqləndirə biləcəklər.

Real musiqiçilərin və sənətçilərin əsərlərinə daha çox görünürlük qazandırmaq məqsədilə "Süni İntellekt Personası" statusu alan profillər "Spotify"ın redaksiya və alqoritmik tövsiyə siyahılarından çıxarılacaq.

Sənətçilərə öz profillərini könüllü olaraq bu statusda təqdim etmək imkanı yaradılacaq, həmçinin platforma özü də araşdırmalar apararaq istifadəçi bildirişlərini dəyərləndirəcək.

Bu qərar musiqi sənayesində süni intellekt tərəfindən yaradılan aşağı keyfiyyətli və saxta dinlənmə sayları toplayan kontentin kəskin artması fonunda verilib.

İyun ayında Fransanın "Deezer" platforması gündəlik yeni yüklənən musiqilərin yarısından çoxunun süni intellekt tərəfindən yaradıldığını açıqlamışdı.

"Spotify" isə son 12 ay ərzində bu tipli 75 milyona yaxın parçanın platformadan silindiyini bildirib.