Heydər Əliyev Fondunun dəstəyi ilə IX Muğam Televiziya Müsabiqəsi başlayır.

Kulis.az xəbər verir ki, Mədəniyyət Nazirliyinin və Azərbaycan Televiziyasının təşkilatçılığı ilə baş tutacaq müsabiqənin hazırda seçim turları keçirilir.

Aprelin 30-dək davam edəcək seçim turlarında münsiflər heyəti respublikanın bütün bölgələrindən müsabiqəyə sənəd təqdim edən iştirakçılar sırasından 20 nəfər gənc və 10 nəfər yeniyetməni seçəcək.

• Folkner kimi təhdid etmişdi? - Xavier Mariasın essesi
• “Dünyanı uşaqlara verək!” adlı bədii-maarifləndirmə aksiyası baş tutdu
• Qaraltı - Vüqar Vanın yeni hekayəsi

Münsiflər heyətinin üzvləri arasında Xalq artistləri Arif Babayev, Mələkxanım Əyyubova, Mənsum İbrahimov, Nəzakət Teymurova, Səkinə İsmayılova, Sərdar Fərəcov, Vamiq Məmmədəliyev, Əməkdar mədəniyyət işçisi İlqar Fəhmi təmsil olunurlar.

Mayın 13-də start götürəcək IX Muğam Televiziya Müsabiqəsində yaşı 8-dən 30-a qədər olan yeniyetmə və gənclər iştirak edəcək. Yaşı 14-dən 17-yə qədər oğlanlar səs dəyişikliyi dövründə olmaları səbəbindən müsabiqəyə buraxılmır. Müsabiqədə iki yaş aralığında: 8-16 yaşında yeniyetmələr və 16-30 yaşında gənclər yarışacaqlar.

Həftənin 2-ci və 4-cü günləri Azərbaycan Televiziyasının və Mədəniyyət TV-nin canlı efirində əvvəl yeniyetmələrin, sonra isə gənclərin yarışması baş tutacaq və hər kateqoriya üzrə qaliblər müəyyən olunacaq.

Müsabiqə iştirakçıları klassik və müasir Azərbaycan şairlərinin qəzəllərini muğam şöbələri üzrə təqdim edəcək, həmçinin xalq mahnıları, təsniflər və zərb-muğamları ifa edəcəklər.

Avqust ayının sonunda isə IX Muğam Televiziya Müsabiqəsinin final konsertinin keçirilməsi və qaliblərin mükafatlandırılması nəzərdə tutulub.

• Folkner kimi təhdid etmişdi? - Xavier Mariasın essesi
• “Dünyanı uşaqlara verək!” adlı bədii-maarifləndirmə aksiyası baş tutdu
• Qaraltı - Vüqar Vanın yeni hekayəsi