Kanadalı yazıçı Marqaret Etvud “Qulluqçusunun hekayəsi” və onun davamı olan “Əhdlər” adlı kitablarına ABŞ kitabxanalarında qadağa qoyulmasına münasibət bildirib.

Kulis.az Rusiya mediasına istinadən xəbər verir ki, 83 yaşlı yazıçı “The Guardian” qəzetinə müsahibə verərkən bildirib ki, bu qadağa ştat hakimiyyətinin öz gücünü göstərməsi ilə bağlıdır:

"Biz hansı əsrdə yaşayırıq? Bu, güc nümayişidir. Qubernator Glenn Youngkin açıq şəkildə deyir: "Biz burada nəzarət edirik, tələbələr və kitabxanaçılar üçün həyatı acınacaqlı edəcəyik". Amma əslində onlar övladlarının savadlı və uğurlu olmasını istəmirlər, çünki kitabxana və onun içindəki kitabxanaçı uşağın gələcək uğurunda mühüm amillərdir. Virciniyada valideynlər "Xidmtçinin hekayəsini" qəbuledilməz hesab edirlər. Guya bu "uşaqları təhlükəli ideologiya ilə ruhlandırır". Ancaq qəbuledilməz sayılan tək mən deyildim. Toni Morrison və Stiven Kinq də qadağan edilib. Bəlkə kitablarımızda çoxlu seks var? Elə isə “İncil”in də üstündən xətt çəkməlidirlər. Orada da çoxlu seks var”.

Qeyd edək ki, Etvud bundan əvvəl də hücuma məruz qalıb yaralanan yazıçı Salman Rüşdinin müdafiəsi üçün çıxış edərək Rüşdini həmişə söz azadlıq uğrunda mübarizə aparan yazıçı adlandırmışdı.

• Şuşada uşaqlar üçün festival keçiriləcək
• Çar onun arvadının şəklini niyə cibində gəzdirirdi? – Puşkini öldürən xəyanət
• "Dədə Qorqudun məzarı bu şəhərdədir" - Dəmir qapı Dərbənddən reportaj