Britaniyalı aktrisa Emaa Hussen Qərbi Afrikadan Avstraliyaya irimiqyaslı narkotik qaçaqmalçılığında ittiham olunaraq həbs edilib.

Kulis.az xəbər verir ki, bu barədə Avstraliyanın "Nine.com.au" nəşri məlumat yayıb.

34 yaşlı aktrisa Adelaidadan olan bir ər-arvadla birlikdə ələ keçib. Onlar kömür kisələrində gizlədilmiş və ümumi dəyəri 296 milyon dollar olan təxminən 320 kiloqram metamfetamini ölkəyə keçirməyə cəhd etməkdə günahlandırılırlar.

Rentgen aparatında ortaya çıxan qorxunc mənzərə

Məlumata görə, Qanadan gətirilən kömür kisələri gömrükdə Sərhəd Qoşunları əməkdaşlarının şübhəsini cəlb edib. Rentgen yoxlanışı zamanı kisələrin içində ağ kristallik maddə aşkarlanıb. Sonradan laboratoriyada aparılan ekspertiza bu maddənin xüsusi təhlükəli narkotik növü olan metamfetamin olduğunu təsdiqləyib.

Evindən çıxanlar polisi şoka saldı

Hüquq-mühafizə orqanlarının əməkdaşları aktrisanın evində apardıqları axtarış zamanı əvvəllər içində narkotik maddə daşındığı ehtimal edilən daha 32 boş çanta tapıblar. Səlahiyyətli şəxslər sonrakı məhkəmə-tibbi ekspertizası üçün sənətçinin bütün elektron cihazlarını və şəxsi qeyd kitabçasını müsadirə ediblər.

Məhkəmənin qərarı ilə Hussen avqust ayında keçiriləcək növbəti iclasa qədər dəmir barmaqlıqlar arxasında saxlanılacaq.

Stethemın filmindəki "rus fahişəsi"...

Qeyd edək ki, 34 yaşlı Emaa Hussen Böyük Britaniyanın məşhur "İst-End sakinləri" (EastEnders) serialının spin-off layihəsindəki rolu ilə tanınıb. Lakin ona kino dünyasında ən çox diqqət gətirən rolu dünyaca məşhur aktyor Ceyson Stethem ilə birlikdə çəkildiyi "Kolibri effekti"filmində canlandırdığı rus fahişə obrazı olmuşdu.

• Vasif Adıgözəlov kimdir? - Qara Qarayevin ən istedadlı tələbələrindən biri
• Məşhur rəssam vəfat etdi
• "İsa Məsih prezident olsa belə, ora qayıtmaram!" - Amerika Çarli Çaplinə niyə ölkəyə giriş qadağası qoydu?