Mədəniyyət Nazirliyinin təşkilatçılığı ilə Heydər Əliyev Mərkəzində “Mədəniyyət və Hüquq: Müasir Çağırışlar" Forumu keçirilib.
Kulis.az APA-ya istinadən xəbər verir ki, forumda çıxış edən mədəniyyət naziri Adil Kərimli mədəniyyət və hüququn paralel hərəkət etməsinin əhəmiyyətindən danışıb.
“Hər şeyin başında mədəniyyət anlayışı dayandığı kimi, hüquq sistemində də mədəni dəyərlərimiz nəzərə alınmalı, bu əsasda qanunvericilik formalaşmalıdır”, - nazir bildirib.
Daha sonra çıxış edən Milli Məclisin sədr müavini Ziyafət Əsgərov bildirib ki, cəmiyyətdə hüquqi mədəniyyətin formalaşması çətin və lazımlı prosesdir: “Bu gün mədəniyyətin qorunmasında hamımız fəal iştirak etməliyik. Bu, nazirliyin və yaxud mədəniyyət xadimlərinin işi yox, ümumən cəmiyyətin məsələsidir”.
Milli Məclisin digər sədr müavini Rafael Hüseynov isə çıxışında bildirib ki, dil və mədəniyyət məsələsində hər bir kəs səfərbər olmalıdır: “Doğrudur, "səfərbər" sözü daha çox hərbi sahəyə aid edilir, amma məhz dil və mədəniyyət kontekstində də səfərbər olmaq vacibdir. Bu mənada, bu gün dilin saflığının qorunması son dərəcə vacibdir və bu, böyük mənada elə mədəniyyətin də qorunması deməkdir”.
Daha sonra üçhissəli panel müzakirə başlayıb. Panel müzakirələrdə iştirakçılar milli kimlik, dil siyasəti, mədəni dəyərlərin qorunması və dövlət-hüquq münasibətlərinin inkişafı mövzularını geniş müzakirə ediblər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər