Əsəd Qaraqaplanın yeni işıq üzü görmüş "Ata və qızılgül" romanının təqdimat mərasimi keçiriləcək.

Kulis.az xəbər verir ki, imza günü 13 mart bazar günü saat 15:00-17:00 arası Kitabevim.az kitab mağazazasında (Nərimi r, Puşkin k, 32a, AK center, ll mərtəbə. 28 May m/s yaxınlığında. Dəmir Yolu Xəstəxanasının yanı) baş tutacaq.

Həyatın ən acı gerçəklərini, insanlığın çöküşünü anladan, həyat faktlarına bəzək-düzəksiz, cəsarətli münasibət ortaya qoyan bu kitab müəllif təxəyyülü və gerçək yaşantıların qovuşuq təzahürüdür. Buradakı toplum tənha buraxılmış, faciəvi sonluqlara hamilə olan böyük bir gecəqondu kimidir. Kitab süslü şəhər həyatının kadrarxasını – gerçək üzünü göstərməyə çalışır. Burada sevdiyinə qovuşmaq və onu qorumaq üçün sevgidən daha çox şeyə ehtiyac duyulur. Bu şərtlərin çıxılmazlığının insanı nələrə vadar edib hansı məqamlara çatdıra biləcəyini kitabı oxuyaraq – yaşayaraq görmək mümkündür. Kitab ayrı-ayrı mətnlərdən ibarət olsa da, buradakı hadisələri birləşdirən ümumi xətt gecəqondu yaşantısı – insan faciələrinin son həddidir. Kitab həm də bu mövzuda indiyə kimi yazılmış ən fərqli və dolğun yaradıcılıq nümunəsi sayıla bilər...

• Everesti fəth etmək nəyimizə lazımdır? - 100 min dollara qədər...
• "Əskidən milliyyətçiliklə damğalananlar bu gün..." - Rəsulzadənin üzə çıxarılmayan məqaləsi
• Gürcüstanın Müstəqillik Günü münasibətilə konsert keçirilib