ABŞ-nin Nyu-York şəhərində Ermənistanın əsir götürdüyü Bəxtiyarın həyatından bəhs edən “Nəfəs” filmi təqdim olunub.

Kulis.az xəbər verir ki, Diasporla İş üzrə Dövlət Komitəsinin dəstəyi ilə ərsəyə gələn filmin təqdimatı Nyu-Yorkun qədim “Village East by Angelika” kinoteatrında baş qutub.

Təqdimat mərasimində filmin yaradıcı heyyəti, ABŞ-da yaşayan Azərbaycan icmasının aktivləri, BMT-də fəaliyyət göstərən azərbaycanlı diplomatlar, yerli ictimayyətin nümayəndələri və amerikalı jurnalistlər iştirak ediblər.

Real motivlər əsasında çəkilən filmdə Ermənistanın Azərbaycana qarşı hərbi təcavüzü nəticəsində Birinci Qarabağ müharibəsində Ermənistan hərbi birləşmələri tərəfindən əsir götürülən Bəxtiyarın həyatında bəhs edilir.

Filmin qəhrəmanı Bəxtiyar travma sonrası stres pozğunluğu sindromundan əziyyət çəkir. Əsirlikdən azad olduqdan sonra doğulduğu kəndə qayıdan Bəxtiyar məhbus həyatında aldığı travmalar ilə mübarizə aparır. İnsanlarla ünsüyyətdən qaçan qəhrəman öz hekayəsini təbiətlə- yağış, qar, ağaclar və daşlarla bölüşür. Doğulduğu kəndin düşmən işğalından azad edilməsinin sevinci Bəxtiyarın ağrılarını sakitləşdirmir.

“Nəfəs” filmində Bəxtiyarın hekayəsi ilə müharibənin ağır travmalarının təsirlərinin ömür boyu davam edə biləcəyi vurğulanır.

Film izləyicilər tərəfindən böyük maraqla qarşılanıb.

Təqdimat gecəsində uzun illərdir Amerikada fəaliyyət göstərən azərbaycanlı rejissor Elmar Bayramov sənətsevərləri soyuq və qarlı hava şəraitində çəklişləri baş tutan filmin bilinən və bilinməyən tərəfləri barəsində məlumatlandırıb və onları maraqlandıran sualları cavablandırıb.

• Türkiyəli müğənni komaya düşdü
• Bəxtiyar Vahabzadənin kitabı özbək dilində təqdim edilib
• Naturaçısı ilə evləndi, əsəri başqasına aid edildi... - İmpressionizmin banisi