Bu gün SSRİ xalq artisti, aktrisa Hökümə Qurbanovanın doğum günüdür. Kulis.az bu münasibətlə aktrisanın həyatından maraqlı faktları təqdim edir.

1) Hökümə Qurbanovanın anası Malikat xanım bəstəkar Müslüm Maqomayevin bacısı idi.

2) 23 yaşında olanda Hökümə xanımın fotosu Cəfər Cabbarlının diqqətini çəkir və onu axtarıb tapır, “Almaz” filmində Yaxşı roluna çəkir.

3) Ələsgər Ələkbərovla məktəb illərində tanış olub, sonradan ailə qurublar. Ələsgər Ələkbərovdan bir qızı doğulan Hökümə səhnədən uzaq düşür: əri ona səhnəyə çıxmağa qadağa qoyur. 1933-cü ildə cütlük Ələsgərin qısqanclığı ucbatından boşanır.

4) Daha sonra Hökümə Qurbanova teatr rəssamı Nüsrət Fəttulayevlə ailə qurur. Bu evlilikdən Vəfa Fətullayeva doğulur. Lakin bu evlilik də 25 il sürür.

5) Hökümədən ayrılan Nüsrət Fətullayev Ofeliya Abbaszadə ilə evlənir. Hökümə xanım da bu ərəfələrdə Ofeliyanın keçmiş əri, “Bir qalanın sirri”ndəki Elşən rolu ilə tanınan Gündüz Abbaszadə ilə eşq yaşayır.

6) Hökümə Qurbanova ömrü boyunca tək Ofeliya Abbaszadə ilə deyil, bir çox aktrisa ilə çəkişmə yaşayıb.

7) "Ögey ana" filmində Nəcibə Məlikova ilə küsülü olsa da onun oynadığı obrazı səsləndirməyə razı olur.

8) Hökümə xanım qızının həyatına da təsir edərək onu sevgi yaşadığı Fuad Poladovla evlənməyə qoymur.

9) Kleopatra obrazından sonra SSRİ xalq artisti adını alır.

10) İki çağırış Ali Sovetin deputatı olub.

11) Qızı Vəfa Fətullayeva 42 yaşında xərçəng xəstəliyindən vəfat edir. Bu çətin vaxtlarda aktrisanın tutunduğu yeganə dayaq teatr olur. Qızından bir il sonra eyni xəstəlik səbəbilə vəfat edir.

• Boşluqdan sonra - Şahin Səmədovun hekayəsi
• Bakı Beynəlxalq İncəsənət Festivalına gələcək tanınmış qonaqlar məlum oldu
• "The Odyssey" rekordları qırmaqda davam edir