"Əlvida, Səbuhi müəllim..." - Aliyə

"Əlvida, Səbuhi müəllim..." - Aliyə
17 yanvar 2024
# 17:05

Kulis.az Aliyənin bu gün vəfat etmiş jurnalist Səbuhi Məmmədli haqqında xatirəsini təqim edir.



Qəfil Kulisin qapısı axıra kimi açılırdı. Səbuhi Məmmədli içəri bir addım atıb dayanırdı:

"Mirilərdən..." – azca pauza, hamının diqqəti ona yönəldimi, qollarını açıb, başını xəfifcə yana əyib "Mirilərdən üç Miri var, üçu də balam yeməli...".

Şuxluq yarandısa, (bəzən çox məşğul olurduq, mahnını kəsirdi, bir sitat deyirdi, ya da eləcə siqaret çəkməyə çağırırdı) dayanmaq yox idi. Mahnısız-filansız rəqsə başlayırdı. "İnsanə, dur sən canın, sən də..."

Filmlərdən sitat deməyi də sevirdi: "Gəəl, qoşul bizə..."
Söhbəti tutanlarla əla olurdu bu ünsiyyət. Ayxan da xırda-xırda rəqs edirdi, Miri də, Mən İnsanə də. Şərif redaktor kürsüsündən qalxmadan gülə-gülə bizi izləyirdi. Yəqin APA-nın kameralarından da gülməli görünürdük.

Səbuhi müəllim məclisi qızışdırmaq üçün qəfil cibindən şax əlliliklər, yüzlüklər çıxarıb atırdı başımıza.

İşdən, rejimdən, öhdəliklərdən də o yanda həyat var – yadımıza düşürdü. Axırda yerdən pulları yığırdıq, qaytarıb qoyurdu cibinə: "Mənim deyil e, a kişi, reportaja getməliyəm, yolpuludur..."
Ayxan bir- iki yüzlüyü zarafatla gizləyirdi, sonra birtəhər cibindən, qoynundan çıxarıb geri verirdi. Səbuhi müəllim ona iyirmilik peşkəş edirdi, deyəsən, pulları alandan sonra. Sevincdən, şuxluqdan sonra tam yoxsullaşmayaq deyə...

Kinodan gətirdiyi, yerinə dəqiqliklə düşən sitatları necə rəng qatırdı bu boz həyata.

Bir dəfə Nəsimi Nəbizadəni, deyəsən, linç edirdilər, ya nə idi, tam dəqiq xatırlamıram, feysbukdan getmişdi.
Onda "Yuxu" filmindən sitat yazmışdı Səbuhi: "Əlabbas, çıx daay, atam canı getdilər..."

Xəstələnəndən sonra gedib onu yoluxmaq fikrimi hər dəfə bir bəhanə ilə qovurdum. İstəyirdim, yadımda eləcə şux qalsın. Birdən də deyirdim, gedim dəyim, məni görsə sevinər, sonra da ertələyirdim. Mən "insanə" deyilmişəm o qədər də...

Əlvida, Səbuhi müəllim. Dünya bir az da bozardı. O gözəl günlər bir də qayıtmayacaq...

# 3241 dəfə oxunub

Oxşar xəbərlər

Marina Abramoviçin  80 illiyinə həsr olunan böyük sərgi Romada açıldı

Marina Abramoviçin 80 illiyinə həsr olunan böyük sərgi Romada açıldı

18:39 18 noyabr 2026
ADU-da  “Azərbaycan-Özbək dili əlaqələri: tarixi və müasir müstəvidə”  adlı tədbir keçirildi

ADU-da “Azərbaycan-Özbək dili əlaqələri: tarixi və müasir müstəvidə” adlı tədbir keçirildi

17:42 18 noyabr 2026
Kembric Lüğəti 2026-cı ilin sözünü seçdi - "Human" nə deməkdir?

Kembric Lüğəti 2026-cı ilin sözünü seçdi - "Human" nə deməkdir?

17:19 18 noyabr 2026
Parfenonun itmiş heykəltəraşlıq kompozisiyası yenidən quruldu

Parfenonun itmiş heykəltəraşlıq kompozisiyası yenidən quruldu

16:46 18 noyabr 2026
Harvard  150 ildən sonra Braziliyaya iki kölə edilmiş insanın  qalıqlarını qaytardı

Harvard 150 ildən sonra Braziliyaya iki kölə edilmiş insanın qalıqlarını qaytardı

16:17 18 noyabr 2026
Məşhur reper məhkəmə qarşısına çıxacaq - Səbəb

Məşhur reper məhkəmə qarşısına çıxacaq - Səbəb

15:44 18 noyabr 2026
#
#
Ana səhifə Reels Yazarlar Xəbərlər