Avropa İttifaqının Azərbaycandakı Nümayəndəliyi Aİ-yə üzv dövlətlərin səfirlikləri ilə birgə ənənəvi “Avropa Təamları” Kulinariya Festivalının 4-cü buraxılışı başlayıb.
APA xəbər verir ki, festival Azərbaycan ictimaiyyətinə kulinariya ustad dərsləri, viktorinalar, musiqi və digər fəaliyyətlər vasitəsilə Avropa mətbəxi, mədəniyyəti və ənənələri ilə tanış olmaq və onları kəşf etmək imkanı yaratmaq məqsədi daşıyır.
Festival çərçivəsində Avstriya, Belçika, Xorvatiya, Fransa, Almaniya, Polşa, Portuqaliya, Slovakiya və İspaniya səfirlikləri öz ölkələrinin milli mətbəx nümunələrini festival iştirakçılarına təqdim edəcəklər.
Aİ-nin Azərbaycandakı nümayəndəsi Mariana Kuyundziç bu tədbirin Aİ ilə Azərbaycan arasında bu il qeyd edilən 30 illik tərəfdaşlıq yubileyinə həsr olunmuş silsilə tədbirlər çərçivəsində keçirildiyini qeyd edib.
Festivalın Avropa ölkələrinin milli mətbəxləri, mədəniyyətləri və ənənələri ilə tanış olmaq, yeni dadları kəşf etmək və ailə və dostlarla unudulmaz gün keçirmək üçün gözəl fürsət olduğu vurğulanıb.
Tədbir saat 18:00-a qədər davam edəcək.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər