Bu gün Xalq şairi Məmmər Arazın doğum günüdür. Kulis.az bu münasibətlə "Günün şeiri" layihəsində müəllifin "Nə bilim" şeirini təqdim edir.
Səndən mənə bir ömürlük xatirə,
Məndən sənə nə qalacaq, nə bilim?
Çətin bir də: daş üstə daş bitirəm,
Niyə uçdu bu qalacıq, nə bilim…
Damağımda bal sevdanın turş adı…
Uşaq ağlım inadını qurşadı.
Nə hönkürdü bu naqafil gurşadı?
Kimə dedim, - dedi,- ancaq: “nə bilim!”
- Xalq artisti: "Hər şeydən əlini üzən müğənni olur"
- "Müharibə olsa, gedən olmayacaq,"- deyənlər - Elnaz Eyvaz
- Nadir xəstəliyə tutulan Selin Dionun vəziyyəti ağırdır
Günlər mənə gün yazmağı unutdu,
Gülüm, günüm güllərimi qurutdu.
Bu oyunda kim uduzdu, kim uddu,
Peşimanı kim olacaq, nə bilim?..
Mən Arazam, səsim tutqun Arazdı,
Ha çağırdım, ha yüyürdüm, ha yazdım.
İndi daha qaynar təbim ayazdı,
İsinərmi bir od-ocaq, nə bilim…
