2027-ci ilin mart ayında keçiriləcək “Oskar” mükafatında "Ən yaxşı beynəlxalq film" nominasiyası üzrə Türkiyənin rəsmi namizədi seçilib.
Kulis.az xəbər verir ki, "TRT" istehsalı olan "Kəsilmiş bir ağac kimi" filmini rejissor Tunc Davud ekranlaşdıracaq.
2019-cu ildə "12 Punto" layihəsindən mükafat alan film dünya premyerasını 2025-ci ilin oktyabrında 62-ci Antalya Film Festivalında edib.
Ekran işi 13-cü Boğaziçi Film Festivalından "Ən yaxşı montaj" mükafatı ilə ayrılıb.
Dram janrında olan film 70 yaşlı təqaüdçü mühəndis Refikin suriyalı baxıcısı Nəsrinin qəfildən yoxa çıxması və uşaqlarını ona həvalə etməsi ilə başlayan ailə daxili münaqişələrdən və gözlənilməz hadisələrdən bəhs edir.
Qeyd edək ki, "Oskar" təqviminə əsasən, bu nominasiya üzrə 15 filmlik qısa siyahı 15 dekabr 2026-cı ildə, yekun namizədlər isə 21 yanvar 2027-ci ildə elan olunacaq.
Təntənəli mükafatlandırma mərasimi isə 14 mart 2027-ci ildə baş tutacaq.
