Martın 17-də saat 15:00-da Atatürk Mərkəzində yazıçı və publisist Orxan Fikrətoğlunun 60 illik yubileyinə həsr olunmuş tədbir keçiriləcək.
Kulis.az xəbər verir ki, yubiley mərasimində yazıçının yaradıcılıq yolu, ədəbiyyat və televiziya sahəsində gördüyü işlərdən danışılacaq.
Tədbirdə tanınmış ədəbiyyat və mədəniyyət xadimlərinin çıxışları, xatirələr və yubilyarın fəaliyyətini əks etdirən təqdimatlar nəzərdə tutulur.
Qeyd edək ki, Orxan Fikrətoğlu Azərbaycan ədəbiyyatı və publisistikasında özünəməxsus üslubu ilə seçilən müəlliflərdən biridir. Onun hekayələri, esseləri və televiziya layihələri geniş oxucu və tamaşaçı auditoriyası qazanıb.
