Türkiyəli aktrisa Neşe Aksoy 62 yaşında Türkiyənin İzmir şəhərində vəfat edib.
Kulis.az xəbər verir ki, o, uzun müddətdir əziyyət çəkdiyi xərçəng xəstəliyindən dünyasını dəyişib.
Qeyd edək ki, sənətçi Tarık Akan və Fikrət Hakanla birgə çəkildiyi "Arkadaş" filmi ilə tanınıb. O, həmçinin İngiltərədə rəssamlıq təhsili alıb və əsərləri bir sıra sərgilərdə nümayiş olunub.
Xatırladaq ki, Neşe Aksoy ötən ilin aprel ayında sosial media hesabında ona xərçəng diaqnozu qoyulduğunu açıqlamışdı.
