Amerikalı violonçel ifaçısı Brayan Kinq Cozef tanınmış Hollivud aktyoru və musiqiçi Uill Smiti seksual qısnamada ittiham edərək Los-Anceles məhkəməsinə iddia ərizəsi təqdim edib.
Kulis.az xəbər verir ki, iddiada Smitin Cozefin etimadını qazanaraq onu cinsi məqsədlərlə istismar etməyə çalışdığı iddia olunur.
Sənədlərdə hadisənin 2025-ci ildə Las-Veqasda, Smitin Cozefi musiqi turu üçün işə götürdüyü dövrdə baş verdiyi bildirilir.
İfaçının sözlərinə görə, otel otağına kənar şəxsin daxil olması və buraxılan qeydlər onu narahat edib.
Şikayətdən sonra işdən çıxarılan Cozef maddi, mənəvi və nüfuz zərərinə görə təzminat tələb edir.
