Klimtin əsəri hərraca çıxarılır - 80 milyon dollara

Klimtin əsəri hərraca çıxarılır - 80 milyon dollara
17 noyabr 2026
# 16:39

Avstriyalı rəssam Qustav Klimtin ən diqqətçəkən mənzərə əsərlərindən biri Nyu-Yorkda hərraca çıxarılır.

Kulis.az xəbər verir ki, “Christie’s” hərrac evi “Litzlbergkeller” tablosunun qiymətini 60–80 milyon dollar aralığında müəyyənləşdirib.

1915–1916-cı illərdə çəkilən əsər Atterze gölünün sahilindəki mənzərəni, ağacların arasında yerləşən binanı və suya düşən əksləri təsvir edir.

Tablo təxminən otuz ildir eyni şəxsi kolleksiyada saxlanılır. Əsər sonuncu dəfə 1997-ci ildə satışa çıxarılanda Klimtin hərrac qiyməti üzrə rekordunu müəyyənləşdirmişdi. Rəssamın mənzərə əsərləri onun portret yaradıcılığından fərqli olaraq şəxsi müşahidələrinə və təbiətlə bağlı təcrübələrinə əsaslanır.

Bu səbəbdən bugünkü satış yalnız yüksək qiymətinə görə deyil, Klimtin yaradıcılığının nadir nümunələrindən birinin bazara qayıtması baxımından da maraq doğurur.

# 60 dəfə oxunub

Müəllifin son yazıları

Ana səhifə Reels Yazarlar Xəbərlər