Kulis.az Aygün Əzizin təcüməsində "Koreya xalq deyimləri, atalar sözləri, zərb-məsəllər, müdrik fikirlər" yazısının ikinci hissəsini təqdim edir.
əvvəli burada: Yaxşı danışıqla borc ödəmək olar
AİLƏ, ÖVLAD, QOHUM-ƏQRƏBA, SEVGİ
- Yaxşı valideynlərin yaxşı uşaqları olur.
- Yaxşı bacının əri də yaxşıdır.
- İyirmi yaşa qədər dünyaya uşaq gətir, otuza qədər həyatını qur.
- Hamı elə bilir ki, qonşunun məhsulu özününkündən daha yaxşıdır, hamı elə bilir ki, öz qızı hamınınkından daha gözəldir.
- Hamıya öz uşağı daha yaxşı görünür, amma arvadı pis.
- Axmaq adam arvadını, ağıllı isə uşaqlarını təriflər.
- Kişinin üç bəlası var: su, od, deyingən arvad.
- Araqdan bir gün, dar ayaqqabıdan bir ay, deyingən arvaddan bir ömür boyu əziyyət çəkərlər.
- Ailə davası əksər hallarda it boğuşmasını xatırladır.
- Ərlə arvadın davası bıçaqla bölünmüş suya bənzər.
- Fikirlərin üst-üstə düşməsi ərlə arvadı yaxınlaşdırır.
- Kasıb evdə ər arvadın nazını daha çox çəkər.
- Qəmini əri ilə bölüşən arvad daha çox sevgiyə layiqdir.
- Uşaq gözləyən arvadına qarşı çox diqqətli ol.
- Ərlə arvad ayrılanda, əksər hallarda düşmənə çevrilirlər.
- Dava-dalaşdan sonra ərinə qayıdan arvad onun valideynlərinə daha yaxşı davranır.
- Bir gecəlik məhəbbət Çin səddi qurmağa qadirdir.
- Sevimli arvadının valideynlərinin evinə salam göndər.
- Nalayiq əri arvadının bacarığı da xilas etməz.
- Otaqda oğula elə gəlir ki, anası, mətbəxdə isə arvadı haqlıdır.
- Arvadını itirmisənsə, burada valideynlərini günahlandırma.
- Ərinin evində xoş deyilsə, qayıt öz valideynlərinin evinə.
- Qız övladı olmayan ev ocağı olmayan soba kimidir.
- Qız övladı çox olan evin qapıları həmişə açıq olur.
- Gəlini evə gətirməyə tələsməzlər.
- Quş öz yumurtasındakı poxu görməz.
- Hər oğulun öz öhdəliyi var.
- Böyük oğul kiçiyi kiçiyin onu sevdiyindən daha çox sevər.
- Məhsul olmayan il həm uşaqlar, həm də valideynlər son tikələrini bir-biri ilə bölüşür.
- Uşağı cəzalandıranda onu daha çox sevməyə başlayırsan.
- Ancaq özü övladlarını böyüdən valideynlərinin qədrini bilər.
- Valideynlər uşaqlarını uşaqlarının onları istədiyindən daha çox sevər.
- Əlilin oğlu valideynin qayğısına daha yaxşı qalar.
- Uşaqları yaxşı geyindirmək elə də asan iş deyil.
- Övladları tərəfindən unudulan valideynlər yarpaqsız ağac kimidirlər.
- Qız övladın uşağını beldə gəzdirirlər, oğul övladın balasını isə özü yeriməyə məcbur edirlər.
- Valideynləri ilə birlikdə yaşadığı müddət ərzində uşaqlarınızı uşaq sayın.
- Sevimli övladı da bəzən cəzalandırmaq lazım gəlir.
- Övladın ürəyini atasından daha yaxşı bilən olmaz.
- Uşağın da böyüdüyü vaxt gələcək.
- Həsrətlə gözlənilən övlad çox vaxt kor doğulur.
- Pələng də balalarını müdafiə edir.
- Kirpi balasının dərisini yumşaq bilir.
- Uşaq da doğru olanı söyləyər.
- Yaxşı soba pis anadan daha çox adamın canını qızdırır.
- Qayınata və qayınanaya həmişə elə gəlir ki, kürəkən ac qalır.
- Ana on kürəkənində pis heç nə görmür, amma bircə gəlinində hər şeyin pis olduğunu düşünür.
- Sevdiyin adamın catışmazlıqlarını görmürsən.
- Qızının əri – arzuolunan qonaqdır.
- Qız valideynləri kürəkəni oğul bilirlər.
- Qızın anası kürəkəni, oğlanın anası gəlini sevər.
- Qohum pis gündə adamı üzü üstə qoymaz.
- Arvadın bütün qohumlarına eyni cür yanaşma.
- Təcrübəli ər arvadın qohumları ilə necə davranacağını yaxşı bilir.
- Qayınana həmişə vaxtsız gəlir.
- Oğlan anası heç yuxuda da gəlinin qohumlarını görmək istəmir.
- Ondan inciyənin dayı/əmi olduğunu biləndən sonra üzr istəyir.
- Dayı/əmi bacı/qardaşoğluna necə yanaşarsa, elə də münasibət ondan görər.
- Pis əmi/dayı yükü bacı/qardaşoğluna verər.
- Fərsiz gəlin xeyrat vaxtı xəstələnər.
- İkinci gəlini görəndə birincinin qədrini bilərsən.
- Adı çıxmış çətin ki, ərə gedə bilə.
- Kiçik qızına ər tapmaq ananın özünün yenidən ərə getməsindən daha çətindir.
- Qızı ilə yad toyuna hər ana getməz.
- Varlı adam uzaq qohumuna da görüm-baxım edir.
- Yaxın qonşu uzaq qohumdan yaxşıdır.
- Hər kənddə subay bir oğul var.
- Bacının evində yeznənin boşqabı gözə böyük görünər.
- Təsadüfi sevginin sonu ayrılıq olur.
- Gəlinin yaxşılığı qayınananın gözünə görünməz.
- Köhnə çarığın da öz tayı olur.
- Tənha durnanın cavabsız məhəbbəti kimidir.
- Balıq böyüdüyü suyu istər.
- Doğma yerlərin qarğası da adama xoş gəlir.
- Kişi neçə dəfə evlənirsə evlənsin, seçdiyi qadınlar bir-birinə bənzəyəcək.
- Tikməyi bacarmayan qadın saçını su ilə isladar.[1]
- Yelbeyin qadından yaxşı qayınana çıxır.
- Yağış kəsdi, indi yaxınlarının qəbirlərini səhmana sal.
[1] Saçını daramaq daha rahatdır, amma bu isladır (yəni lazım olan, qəbul edilmiş qaydada iş görmür mənasında)
