Dünyanın ən böyük musiqi yarışması olan Avroviziya Mahnı Müsabiqəsi, 70 illiyini qeyd etmək məqsədilə loqotipini, yazı üslubunu və marka vizualını yeniləyib.
Kulis.az xəbər verir ki, ənənəvi loqo “Singing Sans” adlı xüsusi şriftlə əvəzlənib, ikonlaşmış Avroviziya ürəyi isə daha da dinamikləşərək 70 qatdan ibarət 3D “Buqələmun Ürək” formasını alıb.
Yenilənmiş brend Avropa Yayım Birliyi və Britaniyanın PALS studiyası tərəfindən hazırlanıb.
Bəzi pərəstişkarlar yeni görünüşü tənqid etsə də, təşkilat bu dəyişikliyin müsabiqənin gələcəyinə dinamizm qatacağını bildirir.
Qeyd edək ki, gələn ilki yarışma Avstriyada keçiriləcək.
