"Harri Potter"in müəllifinin yeni kitabı pulsuz olacaq

"Harri Potter"in müəllifinin yeni kitabı pulsuz olacaq
27 may 2020
# 13:27

"Harri Potter" seriyası ilə məşhurlaşan britaniyalı yazıçı Coan Roulinq yeni kitabını oxuculara internet üzərindən ödənşsiz təqdim edəcək.

Kulis.az xəbər verir ki, bu barədə yazıçı öz Tvitter hesabında məlumat yayıb.

Yazıçı qeyd edib ki, uşaqlar üçün 10 il əvvəl qələmə almağa başladığı "Ickabog" əsəri müəyyən səbəblərlə yarımçıq qalıb. Koronavirus pandemiyası zamanı yaranan boşluqda isə yazıçı əsəri bitirdiyini və artıq internet üzərindən oxuculara təqdim edəcəyini bildirib.

Roulinq açıqlamasında qeyd edib ki, "Ickabog" "Harri Potter" seriyasının davamı deyil.

O, həmçinin bildirib ki, roman 2020-ci ilin noyabrında nəşr ediləcək və bu kitabdan əldə olunan bütün gəlir koronavirusla mübarizəyə xərclənəcək.

# 1933 dəfə oxunub

Müəllifin son yazıları

# # #