Yanvarın 12-də Los-Ancelesdə keçirilən 71 – ci “Qızıl qlobus” mükafatının qalibləri məlum olub.

Globus.kinonews.ru-nun verdiyi xəbərə görə, “2013-cü ilin ən yaxşı dramı” nominasiyasında Stiv Makkuinin “12 il köləlik” filmi təltif olunub.

Ən yaxşı komediya-müzikl isə David O Rasselin “Amerikansayağı cüvəllağılar” filmi seçilib. Bu film aktrisa kateqoriyasında da iki mükafat da qazanıb. Emi Adams ən yaxşı komediya aktrisası, Jeniffer Lourens ikinci planda ən yaxşı qadın rolu nominasiyalarında təltif olunub.

• Aydın Kazımzadə: “Film adı altında təqdim olunan verilişlər gözümdən qaçmır” – Müsahibə
• Orxanın hekayəsini kim danışır? - Mətanət Vahid
• Müğənni Rəqsanə həbs edildi - Səbəb

Ən yaxşı dramatik qadın rolu nominasiyasında isə “Yasəmən” filmində baş rolun ifaçısı Kleyt Blanşett seçilib. Ən yaxşı dramatik aktyor nominasiyasında “Dallas alıcıları” filmindəki roluna görə Metyu Makkonaxı təltif olunub.

Leonardo Di Kaprio ikinci dəfə “Qızıl qlobus”u ən yaxşı komediya aktyoru nominasiyasında Martin Skorsezenin “Uol-stritdən olan canavar” filmindəki işinə görə alıb.

“Ən yaxşı rejissor” kateqoriyasında “Qravitasiya” filminin müəllifi Alfonso Kuarron mükafatlandırılıb.

“2013-cü ilin ən yaxşı animasiya layihəsi” olaraq “Soyuq ürək” cizgi filmi təltif olunub.

“2013-cü ilin ən yaxşı ssenari müəlifi” isə Spayk Cons (“O” filmi) olub.

“Xarici dildə ən yaxşı film” olaraq Paolo Sorrentinonun “Möhtəşəm gözəllik” filmi seçilib.

Amerika Kino Akademiyasının “Oskar” mükafatı nominantları yanvarın 16-da, qalibləri isə martın 2-də elan edəcək.

• Aydın Kazımzadə: “Film adı altında təqdim olunan verilişlər gözümdən qaçmır” – Müsahibə
• Orxanın hekayəsini kim danışır? - Mətanət Vahid
• Müğənni Rəqsanə həbs edildi - Səbəb