Murad Muradov və Ramil Ələkbərovun ssenarisi əsasında “Danışır və göstərir Şuşa” adlı sənədli filmin istehsalı davam edir.

Kulis.az xəbər verir ki, film Şuşa Radio-Televiziya Yayım Stansiyasının fəaliyyəti haqqındadır.

Fimin qəhrəmanı stansiyanın sabiq əməkdaşı, mühəndis Fazil Həsənovdur. Stansiyanın taleyi Qarabağın, Şuşanın və ümumilikdə Azərbaycanın 60 illik dövründə baş verən hadisələr fonunda cərəyan edir. Şuşa Radio-Televiziya Yayım Stansiyası 1990-cı ildə yanvar hadisələri zamanı – Dövlət Televiziyasının enerji blokunun partladıldığı dövrdə yeganə televiziya informasiya mənbəyi kimi fəaliyyət göstərib. Filmdə Yayım stansiyasının hazırki əməkdaşları, həmçinin vaxtilə ora ezam olunmuş jurnalist Bəxtiyar Qaraca, rejissor Əlimürsəl Hüseynov və Şuşa stansiyası ilə əməkdaşlıq etmiş şəxslərdən müsahibələr alınıb.

Filmin çəkilişləri Bakıda və Şuşada aparılıb. Filmdə həmçinin arxiv materiallarından istifadə olunacaq.

Filmin prodüseri Yaşar Əhmədov, rejissoru Murad Muradov, operatoru Nadir Mehdiyev, bəstəkarı Azər Hacıəsgərli, icraçı prodüseri Azad Axundovdur.

“Oskar prodakşn”ın istrehsalı olan filmin ilin sonuna qədər təhvil verilməsi nəzərdə tutulur.

• O niyə ölümündən bir ay sonra dəfn edilmişdi? - Həyat yoldaşıyla qızı arasında qalan dahi azərbaycanlı
• Atası qaçaq olan, ölümü ilə həkimini heyrətləndirən Xalq artisti kimdir?
• "Danışanda böyük ədəbiyyat çağırışları edirlər..." - Polemika