"Eyforiya" (Euphoria) serialının ulduzu Zendaya "Ceyson Born" (Jason Bourne) franşizasının yeni versiyasında Mett Deymonu əvəz edə bilər.
Kulis.az xəbər verir ki, yeni filmdə baş rolu qadının oynayacağı barədə məlumatı Hollivud insayderi Ceff Snayder yayıb.
Jurnalistin bir neçə fərqli mənbəsi Zendayanın yeni casus rolunu ifa edəcəyi ilə bağlı gəzən şayiələri artıq təsdiqləyib. İddia olunur ki, hazırda aktrisa layihədə iştirak etmək ehtimalını qeyri-rəsmi formada müzakirə edir.
Əfsanəvi franşizanın keçmişi və gələcəyi
2025-ci ilin avqust ayında "Universal" studiyası Robert Ladlemin müəllifi olduğu məşhur casus romanları seriyasına olan hüquqlarının müddətini qeyri-müəyyən vaxta qədər uzadıb.
Keçmiş Mərkəzi Kəşfiyyat İdarəsinin (MKİ) operativ işçisi Ceyson Born haqqında ilk film – "Bornun müəyyən edilməsi" (The Bourne Identity) ekranlara 2002-ci ildə çıxıb.
Qeyd edək ki, sözügedən casus franşizasının bütün beş hissəsində də baş rolu məşhur aktyor Mett Deymon canlandırıb. Yeni qərarla isə seriyanın tamamilə fərqli bir istiqamət alacağı gözlənilir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər