Jül Vernin zaman kapsulu (Gələcək nəsillərə göndərilən məktub. Adətən kapsulun içində mühafizə olunur, həmin kapsul tikilməkdə olan binanın və ya abidənin özülünə atılır– red.) tapılıb. Kulis.Azın rus mətbuatına istinadən verdiyi xəbərə görə fransız alimlərinin arxeoloji qazıntılar zamanı zaman kapsulu aşkar olunub.

Onlar iddia edir ki, bu kapsula böyük fransız yazıçısı Jül Vernə məxsusdur.

Pireney sıra dağlarında möhtəşəm kəşf ortaya çıxıb. Paris Descartes Universiteti, Amerikadakı “The Explorers Club”unda çalışan bir arxeoloq və tarixçi alim Pireney dağlarında araşdırmalara başlayıblar. Jül Vernin əsərlərini, məzarını incələyiblər və araşdırmaların sonunda ağlasığmaz kəşfə nail olublar. Nəticədə XIX əsrə aid metal qutu tapılıb.

Məşhur fantastik əsərlərin müəllifi yazıları ilə bərabər həm də ölümündən sonra insanları heyrətləndirib. XIX əsrə aid qutunun içərisində qiymətli kağızlar, məqalələr və müxtəlif maraqlı predmetlər aşkar olunub. Təəssüf ki, bunlar da zamanın təsiri ilə zərər çəkiblər. Tədqiqatçılar Jül Vernə aid heç bilinməyəcək məlumatların burda olacağını düşünürlər. Qutunun içərisində oxunmayan kağızlar yazıçının çap olunmayan əsəri də ola bilər.

Alimlər əldə olunan materialları yenidən araşdırmaq, bərpa etmək niyyətindədirlər. Araşdırma davam edəcək və qutunun içindəkilərin nədən ibarət olduğu mətbuata açıqlanacaq.

• Beynəlxalq Rəqs Gününə həsr olunan konsert təşkil ediləcək
• Məhkəmə Elza Seyidcahanı təhqir etməkdə təqsirləndirilən Roza Zərgərlini cərimələdi
• "Biz balıqçılar bu xəstəliyə tutulmuruq..." - "Qoca və dəniz"dən bir hissə