Muğam ifaçısı Qoçaq Əsgərovun fransız caz ustası Pyer de Treqomenlə birgə “Muğham souls” albomu işıq üzü görüb.

APA-nın məlumatına görə, bu münasibətlə noyabrın 26-da Parisin San-Jülyen-le-Povr kilsəsində Azərbaycanın Dostları Assosiasiyasının dəstəyi ilə konsert keçiriləcək.

İtaliyada buraxılan disk musiqi dünyasında əlamətdar hadisədir. Albom caz musiqisi ilə UNESCO-nun Qeyri maddi-mədəni irsi siyahısında yer almış, sufi ənənəsini özündə əks etdirən muğamın birgə uğurlu ifası ilə ərsəyə gəlib.

• “Vəlinin yerinə Əlini qoymaqla nə dəyişəcək?” – Rasim Balayevdən sərt tənqid
• "Sevgi vardır üzü xoş, daxili bir qorxulu yar..." - Günün mahnısı
• Azərbaycanlı müəlliflərin əsərləri Vyanadakı tərcümə müsabiqəsində qalib oldu

Qoçaq Əsgərov və Pyer de Treqomen muğamın və sərbəst, qeyri-kanonik üslubda ifa olunan melodik parçaların Qərb melodiya çalarları ilə sintezini həyata keçiriblər. Hər iki ifaçını kamançada Elnur Mikayılov, nağarada Kamran Kərimov, pianoda Vasif Hüseynzadə müşayiət edəcəklər.

Konsertdən əvvəl albomun Azərbaycanda təqdimatı nəzərdə tutulub. Tədbir Fransanın Azərbaycandakı səfirliyi tərəfindən təşkil olunacaq.

• “Vəlinin yerinə Əlini qoymaqla nə dəyişəcək?” – Rasim Balayevdən sərt tənqid
• "Sevgi vardır üzü xoş, daxili bir qorxulu yar..." - Günün mahnısı
• Azərbaycanlı müəlliflərin əsərləri Vyanadakı tərcümə müsabiqəsində qalib oldu